Eleven Media Group

■ ဇက်ဇီကို စီးရီးအေကလပ်များ ပစ်မှတ်ထား

စီးရီးအေကလပ်အသင်းများသည် မန်ယူအသင်းတွင် ခြေစွမ်းပြနိုင်ရန် ရုန်းကန်နေရသည့် နယ်သာလန်တိုက်စစ်ကစားသမား ဇက်ဇီကို ခေါ်ယူရန် ပစ်မှတ်ထားနေ ကြကြောင်း သိရသည်။

ဇက်ဇီ(၂၃ နှစ်)သည် ဘိုလော့ဂ်နာအသင်းတွင် ခြေစွမ်းပြခဲ့ဖူးသူဖြစ်သောကြောင့် စီးရီးအေကလပ်များက ခေါ်ယူလိုခြင်းဖြစ်သည်။

လက်ရှိတွင် နယ်သာလန်တိုက်စစ်ကစားသမား ဇက်ဇီအား ခေါ်ယူရန် ဂျူဗင်တပ်စ်နှင့် နာပိုလီအသင်းတို့ အပြိုင်ကြိုးပမ်းဖွယ်ရှိကြောင်း သိရသည်။

မန်ယူအသင်းသည် အသင်းတွင် ခြေစွမ်းပြနိုင်ခြင်းမရှိသည့် ဇက်ဇီကို ပြန်လည်ရောင်းထုတ်ဖွယ်ရှိကြောင်း အင်္ဂလိပ်မီဒီယာများက ဖော်ပြနေကြသည်။

ဇက်ဇီသည် ပြီးခဲ့သည့်နွေရာသီကမှ ဘိုလော့ဂ်နာအသင်းမှ မန်ယူအသင်းထံသို့ ပေါင် (၃၆.၅) သန်းဖြင့် ပြောင်းရွှေ့လာခဲ့သူ ဖြစ်သည်။

၎င်းသည် မန်ယူအသင်းတွင် ခြေစွမ်းပြနိုင်ရန် ရုန်းကန်နေရပြီး ပြိုင်ပွဲစုံ (၂၆) ပွဲတွင် (၄) ဂိုးသာ သွင်းထားနိုင်သေးသည်။

မူရင်းသတင်း — Eleven Media Group