Eleven Media Group

အိုင်ယာလန်တိုက်စစ်မှူးဟောင်း ရော်ဘီကင်း ဟန်ဂေရီကလပ် ဖယ်ရန်ဗာရို့စ်အသင်း၏ နည်းပြအဖြစ် ခန့်အပ်ခံရ

Photo: X

အိုင်ယာလန်လက်ရွေးစင်တိုက်စစ်မှူး ဟောင်း ရော်ဘီကင်းသည် ဟန်ဂေရီကလပ် ဖယ်ရန်ဗာရို့စ်အသင်း၏နည်းပြအဖြစ် ခန့်အပ်ခံခဲ့ရကြောင်း သိရသည်။

လီဗာပူးလ်နှင့် စပါးအသင်းတိုက်စစ်မှူးဟောင်းလည်းဖြစ်သူ ရော်ဘီကင်းသည် အစ္စရေးကလပ် မက္ကာဘီတဲလ်အဗစ်အသင်းကို တစ်နှစ်ကြာ ကိုင်တွယ်ပြီးနောက် ပြီးခဲ့သည့်ဇွန်လက လမ်းခွဲခဲ့ခြင်းဖြစ်ပြီး ယခုအခါ ဖယ်ရန်ဗာရို့စ်အသင်း၏ နည်းပြသစ်အဖြစ် ခန့်အပ်ခံခဲ့ရခြင်းဖြစ်သည်။


ရော်ဘီကင်းအနေဖြင့် ၂၀၁၈ ခုနှစ်၌ အိန္ဒိယကလပ် ATK အသင်းတွင် ကစားသမား-မန်နေဂျာအဖြစ် နည်းပြဘဝ စတင်ခဲ့ပြီး အိုင်ယာလန်လက်ရွေးစင်အသင်းအပြင် မစ်ဒယ်ဘရော့အသင်း နှင့် လိဒ်စ်ယူနိုက်တက်အသင်းများ၌ လက်ထောက်အဖြစ် ဆောင်ရွက်ခဲ့ဖူးသည်။

ရော်ဘီကင်းကိုင်တွယ်မည့် ဖယ်ရန်ဗာရို့စ်အသင်းသည် ဟန်ဂေရီလိဂ်တွင် ဒုတိယနေရာ၌ ရှိနေပြီး ယူရိုပါလိဂ်တွင်မူ အဆင့် ၁၆ နေရာတွင် ရပ်တည်နေလျက်ရှိသည်။

မူရင်းသတင်း — Eleven Media Group