
မန်ယူအသင်းနှင့် စာချုပ်သစ်ချုပ်ဆိုခဲ့သည့် အာမက်ဒီယာလိုက အသင်းတွင် သမိုင်းသစ် ရေးထိုးလိုကြောင်း ပြောကြားခဲ့သည်။
အာမက်ဒီယာလို(၂၂ နှစ်)သည် ၂၀၂၁ ဇန်နဝါရီတွင် အတ္တလန်တာအသင်းမှ မန်ယူအသင်းသို့ (၅)နှစ်စာချုပ်ဖြင့် ပြောင်းရွှေ့လာခဲ့သူဖြစ်ပြီး Add-ons ကြေးများနှင့်ဆိုပါက ၎င်းင်း၏ ပြောင်းရွှေ့ကြေးမှာ ယူရိုသန်း(၄၀)ဝန်းကျင် ရှိမည်ဖြစ်ကြောင်း သိရသည်။
အာမက်သည် ယခုရာသီ၌ အသင်း၏ အမာခံကစားသမားတစ်ဦးအဖြစ် ခြေစွမ်းပြနေသည့်အပြင် နည်းပြ အာမိုရင်မ် သဘောကျသည့် ကစားသမားတစ်ဦးဖြစ်သောကြောင့် မန်ယူအသင်းတာဝန် ရှိသူများက ၎င်းကို နှစ်ရှည်သက်တမ်းတိုးရန် ဆုံးဖြတ်ခဲ့ခြင်းဖြစ်ကြောင်း သိရသည်။
မန်ယူအသင်းသည် အိုင်ဗရီကို့စ်တောင်ပံကစားသမား အာမက်ကို ၂၀၃၀ ခုနှစ်အထိ သက်တမ်းတိုးစာချုပ် ချုပ်ဆိုခဲ့ခြင်းဖြစ်သည်။
"အခုလို သက်တမ်းတိုးနိုင်ခဲ့တဲ့အတွက် ကျွန်တော် တကယ့်ကို ဂုဏ်ယူပါတယ်။ မန်ယူအသင်းရဲ့ သမိုင်းမှတ်တမ်းတစ်ခု ဖြစ်သွားချင်ပါတယ်"ဟု အာမက်ဒီယာလိုက ပြောကြားခဲ့သည်။
မန်ယူအသင်း၏ နည်းစနစ်ဒါရိုက်တာ ဝီလ်ကော့စ်ကလည်း အာမက်သည် အသင်း၏အနာဂတ်၌ အရေးပါသူတစ်ဦးဖြစ်လာမည်ဟု ပြောကြားခဲ့သည်။