Eleven Media Group

PSG တိုက်စစ်မှူး မူအာနီကို ခေါ်ယူရန်ကြိုးပမ်းနေကြောင်း စပါးနည်းပြ ပိုစတီကိုဂလူး ဝန်ခံ

Photo: Getty Images

စပါးနည်းပြ ပိုစတီကိုဂလူးက ၎င်းတို့အသင်းအနေဖြင့် ယခုဇန်နဝါရီတွင် PSG တိုက်စစ်မှူး မူအာနီကို ခေါ်ယူရန် ကြိုးပမ်းနေကြောင်း ဝန်ခံပြောကြားခဲ့သည်။

စပါးအသင်းသည် ယခုနွေတွင် ဆလားဗီးယားပရပ်ဂ်အသင်းမှ ဂိုးသမား ကင်စကီးကို ခေါ်ယူပြီးနောက် ကစားသမားသစ်များထပ်မံခေါ်ယူရန် ကြိုးပမ်းနေကြောင်း သိရသည်။

ပွဲကြိုမီဒီယာတွေ့ဆုံမှုတွင် မူအာနီနှင့်ပတ်သက်ပြီး မေးမြန်းခဲ့ရာ ပိုစတီကိုဂလူးက "အသင်းကို ကူညီနိုင်ဖို့ ကစားသမားတွေကို ကျွန်တော်တို့ရှာဖွေနေပါတယ်။ အသင်းမှာ ဒဏ်ရာရကစားသမား (၁၀) ယောက်လောက်ရှိနေပြီး ကျွန်တော်တို့အနေနဲ့ လိုတဲ့နေရာတွေမှာ အားဖြည့်သွားဖို့ ကြိုးပမ်းနေပါတယ်"ဟု ပြောကြားခဲ့သည်။

စပါးအသင်းသည် နောက်ခံကစားသမားလိုအပ်ချက်ရှိနေပြီး ယင်းနေရာကိုဖြည့်တင်းရန် မကြိုးစားဘဲ ရှေ့တန်းကစားသမား ခေါ်ယူရန်သာကြိုးပမ်းနေသည့်အတွက် ဝေဖန်မှုများရှိနေကြောင်းလည်းသိရသည်။

မူရင်းသတင်း — Eleven Media Group