Eleven Media Group

အသင်း၏ လက်ရှိလူစာရင်းအပေါ် ကျေနပ်မှုရှိကြောင်း လီဗာပူးလ်အသင်းနည်းပြ အာနယ်ဆလော့ ပြောကြား

Photo: Goal.com

လီဗာပူးလ်အသင်းနည်းပြ အာနယ်ဆလော့က မိမိအနေဖြင့် လက်ရှိအသင်းလူစာရင်းကို ကျေနပ်မှုရှိကြောင်း ပြောကြားခဲ့သည်။

လီဗာပူးလ်အသင်းသည် ပြီးခဲ့သည့်နွေက မာမာဒက်ရှ်ဗလီနှင့် ခီယေဆာတို့ကိုသာ ခေါ်ယူခဲ့ပြီး မာမာဒက်ရှ်ဗလီကို ဗလင်စီယာထံ တစ်ရာသီ အငှားပြန်ချခဲ့သည်။

ယခုဇန်နဝါရီတွင် လီဗာပူးလ်အနေဖြင့် လူသစ်ခေါ်ယူဖွယ်ရှိသည်ဟု သတင်းထွက်နေသော်လည်း အာနယ်ဆလော့က အသင်းလူစာရင်းကို ကျေနပ်မှုရှိကြောင်း ဆိုခဲ့ခြင်းဖြစ်သည်။

အာနယ်ဆလော့က အသင်းအနေဖြင့် ယခုဇန်နဝါရီစျေးကွက် အခြေအနေကို စောင့်ကြည့်နေသော်လည်း ၎င်းအနေဖြင့် လက်ရှိအသင်း၏လူစာရင်းအပေါ် ကျေနပ်ကြောင်း ပြောကြားခဲ့သည်။

ထို့ပြင် လီဗာပူးလ်အသင်းသည် မစ်ဒယ်ဘရော့အသင်းတွင် အငှားချထားသည့် လူငယ်တိုက်စစ်ကစားသမား ဘန်ဒုတ်အတွက် ခရစ္စတယ်ပဲလေ့စ်နှင့် အစ်ဝစ်ချ်အသင်းတို့၏ ပေါင်သန်း (၂၀) ဖြင့် ခေါ်ယူရန် ကမ်းလှမ်းမှုများကိုလည်း ငြင်းဆန်ပယ်ချခဲ့ကြောင်း သိရသည်။

မူရင်းသတင်း — Eleven Media Group