Eleven Media Group

ကူကူရယ်လာ၏ဆံပင်ကို ဆွဲခဲ့သည့် ဘုန်းမောက်ကစားသမား ဘရွတ်စ်အား အနီကတ်မပြခဲ့ခြင်းအတွက် ချယ်လ်ဆီးနည်းပြ မာရက်စကာ ဒေါသထွက်

Photos: Getty Images

ချယ်လ်ဆီးနည်းပြ မာရက်စ ကာသည် ဘုန်းမောက်နှင့်ပွဲတွင် အသင်းနောက်ခံကစားသမား ကူကူရယ်လာ၏ဆံပင်ကိုဆွဲခဲ့သည့် ဘုန်းမောက်တောင်ပံကစားသမား ဘရွတ်စ်အား အနီကတ်မပြခဲ့ခြင်းအတွက် ဒေါသထွက်နေကြောင်း သိရသည်။

ဇန်နဝါရီ (၁၄)ရက်က ကစားခဲ့သည့် ပရီးမီးယားလိဂ်ပွဲစဉ် ချယ်လ်ဆီး(၂-၂)ဘုန်းမောက်ပွဲ$ ပွဲချိန် (၅၂) မိနစ်တွင် ဘုန်းမောက်တောင်ပံကစားသမား ဘရွတ်စ်သည် ချယ်လ်ဆီးနောက်ခံကစားသမား ကူကူရယ်လာ၏ ဆံပင်ကို ဆွဲခဲ့ခြင်းဖြစ်သည်။

ယင်းဖြစ်ရပ်အတွက် ဘရွတ်စ်အား အနီကတ်ပြရန် VAR အဖွဲ့က တောင်းဆိုခဲ့ပြီး ကွင်းလယ်ဒိုင် ရောဘတ်ဂျုံးစ် က ကွင်းဘေးမော်နီတာကို ကြည့်ရှုခဲ့သည်။ သို့သော် ဂျုံးစ်က အဆိုပါလုပ်ရပ်မှာ နမော်နမဲ့လုပ်ရပ်ဟု ယူဆကာ ဘရွတ်စ်ကို အဝါကတ်သာပြခဲ့သည်။ ယင်းဆုံးဖြတ်ချက်ကို မာရက်စကာက ဒေါသထွက်ခဲ့ခြင်းဖြစ်သည်။

ဘုန်းမောက်နှင့်ပွဲအပြီးတွင် မာရက်စကာက "ဘောလုံးရယူဖို့ မရည်ရွယ်ဘူးဆိုရင် အနီကတ်ပါပဲ။ ဒါကို ကျွန်တော် အကြိမ်ပေါင်းများစွာ ပြောခဲ့ပြီးပါပြီ။ ဒီလိုအနေအထားမှာ အဝါကတ်ပဲ ပြတယ်ဆိုရင် တစ်ခုခုပါပဲ။ ဒီနေရာမှာ အန္တရာယ်ရှိ၊ မရှိ ဆုံးဖြတ်ရမှာ မ ဟုတ်ပါဘူး။ သူက ကူကူရယ်လာကို တမင်လုပ်တာဖြစ်လို့ ဒါက အနီကတ်ပါ။ အနာဂတ်မှာ ဒိုင်ကောင်းနဲ့တွေ့ဖို့ မျှော်လင့်ပါတယ်"ဟု ဆိုခဲ့သည်။

မူရင်းသတင်း — Eleven Media Group