
ဂျူဗင်တပ်စ်နည်းပြ မော့တာက ယခုရာသီ စီးရီးအေပြိုင်ပွဲတွင် သရေပွဲများ များနေသည့်အတွက် မပျော်ရွှင်နိုင်ကြောင်း ဝန်ခံပြောကြားခဲ့သည်။
ဂျူဗင်တပ်စ်အသင်းသည် ယခုရာသီ စီးရီးအေပွဲစဉ် (၂၀) အပြီးတွင် ရှုံးပွဲလုံးဝမရှိသည့် တစ်သင်းတည်းသောအသင်းအဖြစ် ရပ်တည်နေသော်လည်း (၁၃) ပွဲအထိ သရေကျထားပြီး (၇)ပွဲသာ အနိုင်ရထားသည်။
ထို့ ကြောင့် အတ္တလန်တာအသင်းနှင့် သရေကျသည့် စီးရီးအေပွဲစဉ်အပြီးတွင် သရေပွဲများနေသည့်အပေါ် မပျော်မရွှင်ဖြစ်မိကြောင်း ဂျူဗင်တပ်စ်နည်းပြ မော့တာက ဝန်ခံပြောကြားခဲ့ခြင်း ဖြစ်သည်။
မော့တာက ''ဒီရာသီမှာ ကျွန်တော်တို့အသင်း သရေပွဲတွေ အများကြီးကျခဲ့တာ အမှန်တရားပါပဲ။ အဲဒီအပေါ် ကျွန်တော် မပျော်ပါဘူး။ ကျွန်တော်တို့ ကစားသမားတွေ နေ့တိုင်းအစွမ်းကုန်ကြိုးစားနေကြလို့ သရေရလဒ်တွေက ကျွန်တော်တို့အ တွက် ပျော်စရာမဟုတ်ပါဘူး''ဟု ပြောကြားခဲ့သည်။
ဂျူဗင်တပ်စ်အသင်းသည် ယင်းကဲ့သို့ သရေပွဲများခဲ့ခြင်းကြောင့် ထိပ်ဆုံးမှ (၃)ပွဲရှုံးထားသော နာပိုလီအသင်းနှင့် (၁၃)မှတ်ကွာဟနေကြောင်း သိရသည်။