Eleven Media Group

ဝေဖန်မှုများကို ဂရုမစိုက်ဟု အန်ဆယ်လော့တီ ပြောကြား

Photo: X

ရီးယဲလ်မက်ဒရစ်နည်းပြ အန်ဆယ်လော့တီက ဝေဖန်မှုများကို ဂရုမစိုက်ကြောင်း ပြောကြားခဲ့သည်။
ရီးယဲလ်အသင်းသည် စပိန်စူပါဖလားဗိုလ်လုပွဲတွင် မဟာပြိုင်ဘက် ဘာစီလိုနာအသင်းကို (၂-၅)ဂိုးဖြင့် ဂိုးပြတ်ရှုံးနိမ့်ခဲ့သည့်အတွက် ဝေဖန်မှုများနှင့် ရင်ဆိုင်နေရသည်။
ယခုအခါ အန်ဆယ်လော့တီက '' ဝေဖန်မှုတွေကို ကျွန်တော် ဂရုမစိုက်ဘူး။ ကျွန်တော်က ဒီလောကမှာ ကျင်လည်လာတာကြာပြီဆိုတော့ ဘာလုပ်ရမယ်ဆိုတာကို ကျွန်တော် ကောင်းကောင်းသိပါတယ်။ ကျွန်တော်က အကောင်းဆုံးမဟုတ်သလို၊ ကျွန်တော်က အညံ့ဆုံးလည်း မဟုတ်ပါဘူး''ဟု ပြောကြားခဲ့သည်။
အန်ဆယ်လော့တီသည် ရီးယဲလ်အသင်းနှင့် ၂၀၂၆ ခုနှစ်အထိ စာချုပ်ချုပ်ဆိုထားသော်လည်း မဟာပြိုင်ဘက် ဘာစီလိုနာအသင်းကို နှစ်ပွဲဆက် ဂိုးပြတ်ရှုံးနိမ့်ခဲ့သည့်အတွက် လာမည့်နွေရာသီတွင် လမ်းခွဲရရန် သေချောနေပြီဟု ထင်ကြေးပေးမှုများလည်း ရှိနေသည်။

မူရင်းသတင်း — Eleven Media Group