Eleven Media Group

■ ဂါနာချိုအတွက် ပေါင်သန်း(၄၀)ဖြင့် နာပိုလီ၏ကမ်းလှမ်းမှုကို မန်ယူအသင်း ပယ်ချ

မန်ယူအသင်းသည် အာဂျင်တီးနားတိုက်စစ်ကစားသမား ဂါနာချိုအတွက် နာပိုလီအသင်း၏ ပေါင်သန်း(၄၀)ဖြင့် ကမ်းလှမ်းမှုကို ပယ်ချခဲ့ကြောင်း သိရသည်။

မန်ယူအသင်းသည် ဂါနာချို(၂၀ နှစ်)ကို ရောင်းထုတ်ရန် စီစဉ်ထားသော်လည်း နာပိုလီအသင်း၏ ကမ်းလှမ်းမှုမှာ ၎င်းတို့ မျှော်မှန်းထားသည့် စျေးနှုန်းနှင့် ကွာဟနေသည့်အတွက် ပယ်ချခဲ့ခြင်းဖြစ်ကြောင်း သိရသည်။

မန်ယူအသင်းသည် ဂါနာချိုအတွက် အနည်းဆုံးပေါင်သန်း(၆၀)ရရှိရန် မျှော်မှန်းထားခြင်းဖြစ်ပြီး ယင်းထက် နည်းပါးသည့်စျေးနှုန်းဖြင့် ရောင်းချမည်မဟုတ်ကြောင်း သိရသည်။

ဂါနာချိုသည် ပုံမှန်ပွဲထွက်ခွင့်ရရှိမည့်အသင်းထံ ပြောင်းရွှေ့ရန် ဆန္ဒရှိနေကြောင်း သိရသည်။

နာပိုလီအသင်းသည် ဂါနာချိုနှင့် ပုဂ္ဂိုလ်ရေးသဘောတူညီရမည်ဟု ယုံကြည်နေသော်လည်း ၎င်းအတွက် ပြောင်းရွှေ့ကြေး ပေါင်သန်း (၅၀) ထက် ပိုသုံးဖွယ်မရှိကြောင်း အီတလီမီဒီယာများက ဖော်ပြနေကြသည်။

မူရင်းသတင်း — Eleven Media Group