Eleven Media Group

■ လိင်ပိုင်းဆိုင်ရာ ကျူးလွန်ခံရခြင်းအတွက် အမျိုးသမီးတစ်ဦးက မက်ဂရီဂေါ်ကို ထပ်မံတရားစွဲဆို

Photo: Getty Images

အမျိုးသမီးတစ်ဦးက လိင်ပိုင်းဆိုင်ရာ ကျူးလွန်ခံရခြင်းအတွက် UFC ချန်ပီယံဟောင်းဖြစ်သည့် နာမည်ကြီး အိုင်ယာလန် MMA ကစားသမား မက်ဂရီဂေါ်ကို ထပ်မံတရားစွဲ ဆိုခဲ့ကြောင်း သိရသည်။
၂၀၂၃ ခုနှစ် ဇွန်လက ကျင်းပခဲ့သည့် NBA Finals ဗိုလ်လုပွဲ၏ ပွဲစဉ် (၄)အပြီးတွင် Kaseya Center ကွင်းရှိ VIP အမျိုးသားရေ ချိုးခန်းအတွင်း မက်ဂရီဂေါ်၏ လိင်ပိုင်းဆိုင်ရာကျူးလွန်မှု ခံခဲ့ရကြောင်း အမည်မသိ အမျိုးသမီးတစ်ဦးက တိုင်ကြားခဲ့ခြင်းဖြစ်သည်။

ယင်းဖြစ်စဉ်တွင် မက်ဂရီဂေါ်၏ လုံခြုံရေးတာဝန်ရှိသူက ပါဝင်ကူညီကြောင်း တိုင်ကြားထားပြီး အဆိုပါကွင်း၏ အိမ်ရှင် ဖြစ်သည့် မိုင်ယာမီဟိသ်အသင်းမှာလည်း တရားစွဲဆိုခံထားရသည်။
မက်ဂရီဂေါ်သည် မကြာသေးမီကလည်း ၂၀၁၈ ခုနှစ်က အိုင်ယာလန်နိုင်ငံရှိ ဟိုတယ်၌ အမျိုးသမီးတစ်ဦးကို အဓမ္မပြုကျင့်မှုဖြင့် ပြစ်ဒဏ်ချမှတ်ခံထားရသည်။

ယင်းနောက် ယခုအချိန်တွင် နောက်ထပ် လိင်ပိုင်းဆိုင်ရာနှင့် ပတ်သက်သည့်သတင်း ထပ်မံထွက်ပေါ်လာခြင်းဖြစ်သည်။

မူရင်းသတင်း — Eleven Media Group