
ကိုမိုအသင်းသည် အေစီမီလန်အသင်းမှ ပြင်သစ်ဘယ်နောက်ခံလူ သီယိုဟာနန်ဒက်ဇ်ကို ယူရိုသန်း(၄၀)ဖြင့် ကမ်းလှမ်းခဲ့ကြောင်း သိရသည်။
သီယိုဟာနန်ဒက်ဇ်(၂၇ နှစ်)သည် အေစီမီလန်အသင်း၏ နည်းပြသစ် ကွန်ဆေးဆာအိုနှင့် ဆက်ဆံရေးအဆင်မပြေဖြစ်နေကြောင်း သတင်းထွက်နေသည်။
ထို့ကြောင့် ကိုမိုအသင်းက၎င်းကိုခေါ်ယူဂန် ကမ်းလှမ်းခဲ့ခြင်းဖြစ်သော်လည်း ငြင်းပယ်ခံခဲ့ရကြောင်း သိရသည်။
သို့သော် ကိုမိုအသင်းအနေဖြင့် ယခုကဲ့သို့ ငွေကြေးပမာဏဖြင့် ကမ်းလှမ်းခဲ့ခြင်းမှာ အံ့အားသင့်စရာဖြစ်ကြောင်း အီတလီမီဒီယာများက သုံးသပ်ခဲ့သည်။
ကိုမိုအသင်းသည် အင်ဒိုနီးရှားသူဌေး ပိုင်ဆိုင်ထားပြီး ဖာဘရီဂတ်စ် နည်းပြနေသည့်အသင်းဖြစ်သည်။