
မန်ယူနိုက်တက်ဟာ ၂၀၂၄ ကို အရှုံးဗရပွနဲ့ အဆုံးသတ်ခဲ့ပြီး ၂၀၂၅ နှစ်သစ်မှာ လီဗာပူးလ်၊ အာဆင်နယ် ပွဲကြီးနှစ်ပွဲရှိနေခဲ့လို့ ဒုက္ခလှလှတွေ့ပြီလို့ အားလုံးက တွေးထင်ခဲ့ကြတယ်။ အဲဒီအထဲမှာ ယူနိုက်တက်ပရိသတ်တွေကိုယ်တိုင်ပါတယ်။ ဒါပေမဲ့ ယူနိုက်တက်ဟာ လီဗာပူးလ်ကို သရေ၊ အာဆင်နယ်ကို အနိုင်ကစားပြခဲ့တယ်။ အခက်အခဲတွေကြားထဲက တုံ့ပြန်ပြသနိုင်ခြင်းကို Resilience လို့ ခေါ်ပါတယ်။ ယူနိုက်တက်ဟာ မှန်ကန်တဲ့ ၀ိသေသလက္ခဏာနဲ့အတူ တိုက်ပွဲဝင်နိုင်ခဲ့ပြီး ဒါကို ယူနိုက်တက်အသွေးအသား ပြန်လည်ရရှိခြင်းလို့ ကင်ပွန်းတပ်နိုင်ပါလိမ့်မယ်။