နာပိုလီနည်းပြ ကွန်တီက မနက်ဖြန်ည ယှဉ်ပြိုင်ရမယ့် ချန်ပီယံလိဂ်ပွဲမှာ မာရာဒိုနာအတွက် ကာရာဘတ်အသင်းကို အနိုင်ရချင်တယ်လို့ ပြောကြားခဲ့ပါတယ်။
နာပိုလီအသင်းဟာ ချန်ပီယံလိဂ်ပွဲစဉ်(၅)အဖြစ် အိမ်ကွင်းမှာ ကာရာဘတ်အသင်းနဲ့ ယှဉ်ပြိုင်ကစားရမှာဖြစ်ပြီး နိုဝင်ဘာ(၂၅)က မာရာဒိုနာကွယ်လွန်တဲ့ (၅)နှစ်ပြည့်ဖြစ်ပါတယ်။
အာဂျင်တီးနားဂန္ထဝင်ကစားသမား မာရာဒိုနာဟာ နာပိုလီအသင်းနဲ့အတူ စီးရီးအေချန်ပီယံဆုအပါအဝင် ပြည်တွင်းချန်ပီယံဆုတွေနဲ့ UEFA ဖလား ရယူခဲ့သူဖြစ်ပြီး အသက်(၆၀)အရွယ်မှာ ကွယ်လွန်သွားခဲ့တာပါ။
''မနက်ဖြန်က မာရာဒိုနာ ကွယ်လွန်တဲ့ နှစ်ပတ်လည်နေ့ဆိုတာ ကျွန်တော် သိထားပါတယ်။ သူက နာပိုလီအသင်းအတွက် ဘယ်လိုအဓိပ္ပာယ်သက်ရောက်ခဲ့တယ်၊ သက်ရောက်ဆဲဆိုတာ ကျွန်တော်တို့အားလုံး သိထားပါတယ်။ နိုင်ပွဲကိုသာ သူ့အတွက် ရည်ညွှန်းနိုင်ခဲ့မယ်ဆိုရင် သိပ်ကောင်းမှာပါ'' လို့ ကွန်တီက ပြောကြားခဲ့ပါတယ်။
ချန်ပီယံလိဂ်ပွဲစဉ်(၄)ပွဲ ယှဉ်ပြိုင်အပြီးမှာ နာပိုလီအသင်းက (၄)မှတ်သာရရှိထားပြီး ကာရာဘတ်အသင်းက (၇)မှတ်ရရှိထားပါတယ်။
ကွန်တီက ကာရာဘတ်အသင်းဟာ အရည်အသွေးမြင့် ပြည်ပကစားသမားတွေနဲ့ ဖွဲ့စည်းထားတဲ့ အသင်းကောင်းတစ်သင်းဖြစ်ကြောင်းလည်း ပြောကြားခဲ့ပါတယ်။
