အီရတ်နိုင်ငံတွင် အမေရိကန်နှင့် ဆော်ဒီအာရေဗျတို့၏ လေကြောင်းတိုက်ခိုက်မှုကြောင့် အီရတ်လက်နက်ကိုင် တပ်ပေါင်းစုဟောင်းမှ အဖွဲ့ဝင် ၁၀ ဦးထက်မနည်း သေဆုံးခဲ့ကြောင်း သတင်းရင်းမြစ်နှစ်ခုက ပြောကြားခဲ့သည်။
အမေရိကန်တပ်ဖွဲ့များနှင့် ဆော်ဒီ ရေနံစက်ရုံများအပေါ် တိုက်ခိုက်မှုများကို တုံ့ပြန်သည့်အနေဖြင့် အီရတ်နိုင်ငံရှိ အီရန် ကျောထောက်နောက်ခံပြု စုဆောင်းထားသော လက်နက်ကိုင်များကို တိုက်ခိုက်ခဲ့ခြင်းဖြစ်ကြောင်း အမေရိကန်စစ်တပ်နှင့် ဆော်ဒီတို့က ပြောကြားခဲ့သည်။
"ဒီတိုက်ခိုက်မှုတွေကြောင့် တပ်ဖွဲ့ဝင်အများအပြား သေဆုံးခဲ့ရသလို အခြားသူတွေလည်း ဒဏ်ရာရရှိခဲ့ပြီး အဆောက်အအုံတွေနဲ့ ပိုင်ဆိုင်မှုအများအပြားလည်း ထိခိုက်ပျက်စီးခဲ့ပါတယ်" ဟု Hashed al-Shaabi ဟု လူသိများသည့် Popular Mobilization Forces (PMF) ပြည်သူ့စစ်အဖွဲ့က ထုတ်ပြန်ချက်တစ်ခုတွင် ပြောကြားခဲ့သည်။
တိုက်ခိုက်မှုများသည် ပြည်နယ်အတော်များများရှိ တပ်ပေါင်းစုစခန်းများကို ထိမှန်ခဲ့ပြီး အသေအပျောက်အများဆုံး တိုက်ခိုက်မှုမှာ Nineveh ပြည်နယ်တွင် ဖြစ်ပွားခဲ့ကာ အနည်းဆုံး အဖွဲ့ဝင် ၁၀ ဦး သေဆုံးခဲ့သည်" ဟု PMF အရာရှိတစ်ဦးက ပြောကြားခဲ့ပြီး သေဆုံးသူအရေအတွက်မှာ ထပ်မံမြင့်တက်လာဖွယ်ရှိကြောင်း ဖြည့်စွက်ပြောကြားခဲ့သည်။
Ref: AFP
