သက်တံ့
၇. ၈. ၂၀၂၆
ရန်ကုန်မြို့တွင် ဖွင့်လှစ်ထားသည့် ဆွီဒင်သံရုံး၏ သံရုံးခွဲ (Section Office) ကို အပြီးတိုင် ပိတ်သိမ်းလိုက်ပြီဖြစ်ကြောင်း မြန်မာနိုင်ငံအတွက် ဖွင့်လှစ်ထားသည့် ဆွီဒင်သံရုံးခွဲ The Section Office of the Embassy of Sweden in Yangon က ယနေ့ ထုတ်ပြန်ကြေညာသည်။
ယခုအချိန်မှစ၍ မြန်မာနိုင်ငံနှင့် သက်ဆိုင်သည့် ဆွီဒင်နိုင်ငံဆိုင်ရာ ကိစ္စရပ်များအားလုံးကို ထိုင်းနိုင်ငံ၊ ဘန်ကောက်မြို့ရှိ ဆွီဒင်သံရုံးမှ တာဝန်ယူ ဆောင်ရွက်သွားမည်ဖြစ်သည်။ ဘန်ကောက်ရှိ ဆွီဒင်သံရုံးသို့ ဆက်သွယ်နိုင်သည့် အသေးစိတ် အချက်အလက်များကို www.swedenabroad.se/en/embassies/thailand-bangkok/ ဝက်ဘ်ဆိုက်တွင် ဝင်ရောက်ကြည့်ရှုနိုင်မည် ဖြစ်သည်ဟုလည်း ဖော်ပြသည်။
ထို့ပြင် ရန်ကုန်မြို့ရှိ သံရုံးခွဲ၏ တရားဝင် Facebook အကောင့်ကိုပါ အပြီးတိုင် ပိတ်သိမ်းသွားမည်ဖြစ်ပြီး၊ နောက်ပိုင်းတွင် ဆွီဒင်သံရုံး၏ သတင်းအချက်အလက်များကို ဘန်ကောက်ရှိ ဆွီဒင်သံရုံး၏ တရားဝင် Facebook စာမျက်နှာ [www.facebook.com/SwedeninBangkok/](https://www.facebook.com/SwedeninBangkok/) တွင် ဝင်ရောက် ကြည့်ရှုလေ့လာနိုင်ကြောင်း သိရသည်။
လက်ရှိ ထိုင်းနိုင်ငံ၊ ဘန်ကောက်မြို့အခြေစိုက် ဆွီဒင်သံရုံး၏ သံအမတ်ကြီး ဖြစ်သူ H.E. Mrs. Anna Hammargren သည် ထိုင်းနိုင်ငံအပြင် မြန်မာနိုင်ငံ၊ လာအိုနိုင်ငံနှင့် ကမ္ဘောဒီးယားနိုင်ငံတို့အတွက်ပါ မြန်မာနိုင်ငံဆိုင်ရာ ဆွီဒင်သံအမတ်ကြီးအဖြစ် ပူးတွဲတာဝန်ယူထားသူ (Non – resident / Side accredited Ambassador) ဖြစ်သည်။
ဆွီဒင်နိုင်ငံသည် မြန်မာနိုင်ငံတွင် သံအမတ်ကြီးရုံးထိုင်သည့် ပင်မသံရုံးကြီး ဖွင့်လှစ်ထားခြင်းမရှိဘဲ ရန်ကုန်မြို့တွင် သံရုံးခွဲ (Section Office) အဆင့်ဖြင့်သာ တရားဝင်ဖွင့်လှစ်ခဲ့ခြင်းဖြစ်ပြီးအဆိုပါသံရုံးခွဲကိုလည်း ယနေ့တွင် အပြီးတိုင် ပိတ်သိမ်းခဲ့ခြင်းဖြစ်သည်။
