အမေရိကန် သမ္မတဟောင်း ဂျိုးဘိုင်ဒင်၏ ကင်ဆာရောဂါသည် ပိုမိုပြန့်ပွားလာနေသည်ဟု သားဖြစ်သူဟန်တာဘိုင်ဒင်က ဘီဘီစီနှင့် ပြုလုပ်ခဲ့သည့် မကြာသေးမီက အင်တာဗျူးတစ်ခုတွင် ထုတ်ဖော်ပြောကြားခဲ့သည်။
အသက်အကြီးဆုံး တာဝန်ထမ်းဆောင်ခဲ့သည့် သမ္မတအဖြစ်မှ သက်တမ်းကုန်ပြီး လေးလအကြာ ၂၀၂၅ ခုနှစ် မေလတွင် ဘိုင်ဒင်သည် အရိုးအထိ ပြန့်ပွားနေသည့် ပြင်းထန် ဆီးကျိတ်ကင်ဆာရောဂါ ခံစားနေရကြောင်း ထုတ်ဖော်ပြောကြားခဲ့သည်။
ထို့နောက် ၎င်းသည် ဓာတ်ရောင်ခြည်ကုထုံးနှင့် ဟော်မုန်းကုထုံးများ ပါဝင်သည့် ဆေးကုသမှုများကို စတင်ခံယူခဲ့ပြီး ပြီးခဲ့သည့်လက ၎င်း၏ ကိုယ်ရေးအတ္ထုပ္ပတ္တိ စာအုပ်ထုတ်ဝေမည်ဟု ကြေညာစဉ် အသက် ၈၃ နှစ်အရွယ် ဘိုင်ဒင်က ကုသမှုအခြေအနေမှာ "အလွန်ကောင်းမွန်နေသည်" ဟု ပြောကြားခဲ့ဖူးသည်။
သို့သော်လည်း ဩဂုတ် ၇ ရက်နှောင်းပိုင်းက ထုတ်လွှင့်ခဲ့သည့် BBC Newsnight နှင့် မေးမြန်းခန်းတွင် သားဖြစ်သူ ဟန်တာဘိုင်ဒင်က ဆေးကုသမှုများ ခံယူနေသော်လည်း အဖေဖြစ်သူ၏ ရောဂါမှာ ဆက်လက်ပြန့်ပွားလျက်ရှိကြောင်း ပြောကြားခဲ့သည်။
"ကင်ဆာရောဂါဟာ အရိုးတွေနဲ့ အခြားနေရာတွေကို ပိုပြီး ပြန့်ပွားသွားခဲ့ပါပြီ" ဟု ၎င်းက ဆိုခဲ့သည်။
Ref:AFP
AFP photos
