တရုတ်၏ အံ့မခန်းစီးပွားရေး တိုးတက်မှုကို အရှိန်အဟုန်မြှင့်တင်ပေးခဲ့သည့် ဈေးကွက်ပြုပြင်ပြောင်းလဲမှုများ ဖော်ဆောင်ရာတွင် အကူအညီပေးခဲ့သည့်ဝန်ကြီးချုပ်ဟောင်း ကျို့ရုံဇီ (Zhu Rongji) သည် နာမကျန်းဖြစ်ရာမှအသက် ၉၇ နှစ်အရွယ် ဩဂုတ် ၁၂ ရက်နံနက်ပိုင်းတွင် ကွယ်လွန်သွားသည်ဟုနိုင်ငံပိုင်မီဒီယာကဖော်ပြသည်။
တရုတ်နိုင်ငံ၏ ထိပ်တန်း နိုင်ငံရေးအဖွဲ့အစည်းများက ပူးတွဲထုတ်ပြန်ပြီး ဆင်ဟွာသတင်းဌာနက ဖော်ပြခဲ့သည့် နာရေးသတင်းတွင် ကျို့ရုံဇီသည် ပေကျင်းမြို့၌ကုသမှု ခံယူခဲ့သော်လည်း ရောဂါမသက်သာသဖြင့် ဩဂုတ် ၁၂ ရက်တွင်ကွယ်လွန်သွားခဲ့သည်ဟု ဖော်ပြခဲ့သည်။
ကျို့ရုံဇီသည် ၁၉၉၈ ခုနှစ်တွင် ဝန်ကြီးချုပ် ဖြစ်လာခဲ့ပြီး လွတ်လပ်သော ဈေးကွက်စီးပွားရေးစနစ်ကို ပြင်းပြင်းထန်ထန်
ပုံဖော်သူအဖြစ် နာမည်ရခဲ့သည်။
၎င်း၏အထင်ရှားဆုံးသော ပြုပြင်ပြောင်း လဲမှုများထဲတွင် အမြတ်မပေါ်သောနိုင်ငံပိုင် စီးပွားရေးလုပ်ငန်းများကို ပုဂ္ဂလိကပိုင်ပြုရေး၊မြို့ပြအိမ်ရာများကို ပုဂ္ဂလိကပိုင်ပြုရေး၊အိမ်ပိုင်ရာပိုင်ဖြစ်ရေးကို အားပေးရေးဟူသောကျယ်ပြန့်သည့်အစီအစဉ်များပါဝင်ခဲ့သည်။
ကျို့ရို့ဇီသည် "တရုတ်ကွန်မြူနစ်ပါတီ၏ ထူးချွန်သော အဖွဲ့ဝင်တစ်ဦး၊ ကာလရှည်စမ်းသပ်ခံရသော သစ္စာရှိ ကွန်မြူနစ် တိုက်ခိုက်ရေးသမားတစ်ဦး" ဖြစ်သည်ဟု ဆင်ဟွာက ၎င်း၏ နာရေးသတင်းကိုကိုးကားဖော်ပြခဲ့သည်။
"ရဲဘော်ရဲဘက် ကျို့ရုံဇီ၏ဘဝသည် တော်လှန်ရေးဘဝ၊ ကြိုးပမ်းလှုပ်ရှားမှုဘဝ၊ ဂုဏ်ရောင်လွှမ်းသောဘဝ ဖြစ်သည်" ဟုဖော်ပြခဲ့သည်။
Ref:AFP
AFP photos
