ပြင်သစ်နိုင်ငံ၌ ဆယ်စုနှစ်များစွာအတွင်း အဆိုးရွားဆုံး တောမီးလောင်ကျွမ်းမှုဖြစ်စဉ်ကို အစိုးရ၏ ကိုင်တွယ်ဖြေရှင်းပုံအား မကျေနပ်ကြောင်း ပြသသည့်အနေဖြင့် ယခုနွေရာသီ စောစောပိုင်းက တောမီးလောင်သည့် ဒေသသို့ ဩဂုတ် ၁၇ ရက်တွင် ရောက်ရှိလာသော ဝန်ကြီးချုပ်ကို ဒေသခံများက လှောင်ပြောင်ခဲ့ကြသည်။
ဇူလိုင်လနှောင်းပိုင်းနှင့် သြဂုတ်လဆန်းပိုင်းတို့တွင် ဂျီရွန်ဒီဒေသ၌ တောမီးများ ကူးစက်လောင်ကျွမ်းခဲ့ရာ အိမ်ခြေ ၁၈၃ လုံး မီးလောင်ပျက်စီးခဲ့ပြီး ဘော်ဒိုးမြို့အထိခြိမ်းခြောက်မှုရှိခဲ့သည်။
ပြင်သစ်တောင်ပိုင်း၌မီးဘေးသင့်ခဲ့သည့် လီပေါ့ဂျ်မြို့၏မြိုတော်ခန်းမရှေ့တွင် အနက်ရောင်ဝတ်ဆင်ထားသူ လူ ၂၀၀ ခန့် စုဝေးခဲ့ကြသည်။
ဝန်ကြီးချုပ် ဆဘက်စ်တီယန်လီကော်နူးသည် မြို့တော်ဝန် မာရှယ်ဇာနီနက်တီနှင့် တွေ့ဆုံရန် အချက်ပြမီးများဖွင့်၍ မောင်းလာသော မော်တော်ယာဉ်ဖြင့် ရောက်ရှိလာစဉ် လူထုက လှောင်ပြောင်ခြင်း၊ လက်ကွင်းမှုတ်ခြင်းနှင့် အစိုးရဆန့်ကျင်ရေးကြွေးကြော်သံများ အော်ခဲ့ခြင်းတို့ကို လုပ်ဆောင်ခဲ့ကြသည်ဟု AFP သတင်းထောက်၏ သတင်းပေးပို့ချက်အရ သိရသည်။
လူအုပ်ကက “သူ ဘယ်မှာလဲ၊ သူ ဘယ်မှာလဲ” ဟု အော်ဟစ်ခဲ့ကြသည်။
အသက် ၆၅ နှစ်အရွယ် ပင်စင်စား တိုနီဗေးဂါးက ဝန်ကြီးချုပ်သည် ယုတ်စွာအဆုံးဒေသခံများနှင့် တွေ့ဆုံခဲ့ရလိမ့်မည်ဟု ပြောကြားခဲ့ပြီး “ကျွန်တော်တို့ကို လုံးဝအလေးမထားတဲ့ ပြုမူမှုမျိုးဖြစ်ပါတယ်” ဟု ပြောကြားခဲ့သည့်။
ဝန်ကြီးချုပ်ရုံးကမူ ဝန်ကြီးချုပ်သည် မီးဘေးသင့်ဒေသခံများနှင့် တောင်သူများအား တွေ့ဆုံစကားပြောကြားခဲ့သည်ဟု ထုတ်ပြန်ထားသည်။
ဝန်ကြီးချုပ် လီကော်နူးက လီပေါ့ဂျ်မှ ထွက်ခွာပြီးနောက် အနီးရှိ မဲရီးညက်မြို့၌ ဒေသဆိုင်ရာ တာဝန်ရှိသူများနှင့် တွေ့ဆုံစဉ် “လွန်ခဲ့တဲ့သီတင်းပတ်တွေအတွင်း မီးဘေးကာကွယ်ရေးဆောင်ရွက်ခဲ့မှုတွေနဲ့ ပတ်သက်လို့ ကျွန်တော်တို့ဘက်က ဖုံးကွယ်ထားစရာ လုံးဝမရှိပါဘူး” ဟု ပြောကြားခဲ့သည်။
Photo- AFP
