ရန်ကုန်၊ ဩဂုတ် ၃၀
ရန်ကုန်စီးပွားရေးတက္ကသိုလ် (ရွာသာကြီး) ဘွဲ့နှင်းသဘင်ခန်းမ တည်ဆောက်မည့်မြေနေရာ၊ ကျောင်းသူအိပ်ဆောင်ဆောက်လုပ်မည့်မြေနေရာ၊ ပါမောက္ခချုပ်နေအိမ်ဆောက်လုပ်နေမှုနှင့် အပန်းဖြေရိပ်သာဆောက်လုပ်ပြီးစီးမှုအခြေအနေတို့ကို ယမန်နေ့က ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်သည် ကြည့်ရှုစစ်ဆေးသည်။
ဆက်လက်၍ သင်္ကန်းကျွန်းပညာရေးဒီဂရီကောလိပ်အတွင်းရှိ စာသင်ဆောင်များကို ကြည့်ရှုစစ်ဆေးပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးသည်။
၂၈-၈-၂၀၂၆ ရက်နေ့နံနက်ပိုင်းကလည်း ပြည်ထောင်စုဝန်ကြီးသည် ဆောက်လုပ်ရေးဝန်ကြီးဌာန ပြည်ထောင်စုဝန်ကြီး၊ ရန်ကုန်တိုင်းဒေသကြီးဝန်ကြီးချုပ်တို့နှင့်အတူ ဒဂုံတက္ကသိုလ်ဘွဲ့နှင်းသဘင်အစည်းအဝေးခန်းမ၌ ပါမောက္ခချုပ်၊ ဒုတိယပါမောက္ခချုပ်များ၊ တာဝန်ရှိသူများနှင့်တွေ့ဆုံပြီး ဒဂုံတက္ကသိုလ် ရေစုကန်အဆိုပြုနေရာချထားမှုပုံစံများ၊ အားကစားကွင်း၊ ဆရာ ဆရာမ/ ဝန်ထမ်းအိမ်ရာများ၊ ကျောင်းသား ကျောင်းသူအိပ်ဆောင်နှင့် အပန်းဖြေရိပ်သာ တည်ဆောက်ရေးလုပ်ငန်းများ၊ စာသင်ဆောင်အဆောက်အအုံများ ပြုပြင်ထိန်းသိမ်းခြင်းဆိုင်ရာ လုပ်ငန်းများကို ဆွေးနွေးကြသည်။
ထို့ပြင် ဒဂုံတက္ကသိုလ်မီးရထားဘူတာရုံ၊ YBS ကားများ စနစ်တကျရပ်နားရေး၊ သုတေသနနှင့် ဓာတ်ခွဲခန်းသုံးစက်ပစ္စည်းများ ရေရှည်အကျိုးရှိ ထိရောက်စွာအသုံးပြုနိုင်ရေးကြည့်ရှုစစ်ဆေးပြီး မဟာသိပ္ပံနောက်ဆုံးနှစ် ကျောင်းသား ကျောင်းသူများ၏ စာတမ်းဖတ်ကြားနေမှုကို ကြည့်ရှုအားပေးခဲ့ကြောင်း သိရသည်။
#News #Myanmar
