စက်တင်ဘာ ၂၆ ရက်က ကုလသမဂ္ဂ အထွေထွေညီလာခံတွင် တရုတ်နိုင်ငံက မိန့် ခွန်းပြောကြားခဲ့မှုအတွင်း အမေရိကန်ကို နာမည်တပ်မပြောခဲ့သော်လည်း အမေရိကန်ကို ရည်ညွှန်းကာ ပင်လယ်ကွေ့နိုင်ငံများ၏ အချုပ်အခြာအာဏာကို လေးစားသင့်ကြောင်းနှင့် ကျူးဘားကို ဖိအားပေးပိတ်ဆို့ ထားသည့် လုပ်ရပ်များကို သက်ဆိုင်ရာနိုင်ငံက ရပ်တန့်သင့်ကြောင်း ပြောဆိုသွားသည်။
တရုတ်ဒုတိယသမ္မတ ဟန်ကျန်းက တက်ရောက်မိန့်ခွန်း ပြောကြားခဲ့ခြင်းဖြစ်ပြီး “ နိုင်ငံတကာ ငြိမ်းချမ်းရေးနဲ့ လုံခြုံရေးကို ကာကွယ်ဖို့ အင်အားကြီးနိုင်ငံတွေမှာ အဓိက တာဝန်ရှိပါတယ်။ နိုင်ငံတကာ စည်းမျဉ်းတွေ ကို လိုက်နာမှု ၊ ဥပဒေစိုးမိုးရေးကို လက်ကိုင်မှုတို့မှာ အင်အားကြီးနိုင်ငံတွေက ရှေ့ဆောင်လမ်းပြသင့်တယ်”ဟု ဆိုသည်။
ကျုးဘားအရေးနှင့်ပတ်သက်၍လည်း တရုတ်ဒုတိယသမ္မတဟန်က “တရုတ်နိုင်ငံ အနေနဲ့ သက်ဆိုင်ရာနိုင်ငံကို တိုက်တွန်းချင် တာရှိပါတယ်။ ကျူးဘားကို အတင်းဖိအားပေး နေတာတွေ ၊ ပိတ်ဆို့အရေးယူထားတာတွေ အမြန်ဆုံးရပ်ပါ” ဟု မိန့်ခွန်းထဲထည့်ပြောသွား သည်။
ကျူုးဘားသို့ ရေနံများ မရောက်ရှိအောင် အမေရိကန်က ပိတ်ဆို့ထားပြီး ယခုလအစော ပိုင်းက ကျူးဘား၏ လျှပ်စစ်ဓာတ်အားစနစ် လုံးဝယိုယွင်းသွားသဖြင့် တစ်နိုင်ငံလုံး အမှောင်ကျကာ သန်းနှင့်ချီသည့်ပြည်သူများ မီးမရှိဘဲ နေခဲ့ရသည်။
ဆက်လက်ပြီး ဟန်က နိုင်ငံသေးသေး၊ ကြီင်္းကြီး အားလုံးက နိုင်ငံတကာအသိုင်းအဝိုင်း ၏ အဖွဲ့ဝင်အတူတူပင်ဖြစ်ကြောင်း ၊ထို့ကြောင့် ကမ္ဘာ့ရေးရာများကို နိုင်ငံအားလုံးက ညှိညှိနှိုင်းနှိုင်းဖြင့် ကိုင်တွယ်ဖြေရှင်းသင့်ကြောင်းလည်း ပြောကြားခဲ့သည်။
Ref;Reuter
