မိုးရာသီကာလတွေမှာ ရေကြီးရေလျှံနေတဲ့ လမ်းမတွေကို ဖြတ်မောင်းရတဲ့အခါ ဓာတ်ဆီကား (ICE Car) တွေနဲ့ လျှပ်စစ်ကား (EV) တွေကြားမှာ
ဘယ်လို ကွာခြားချက်တွေ ရှိပြီး ဘယ်ကားက ပိုပြီး အန္တရာယ်ကင်းလဲဆိုတာကို သိထားကြလားဗျာ 🤔
မော်တော်ကား အမျိုးအစားအလိုက် ရေဒဏ်ခံနိုင်ရည်နဲ့ အလုပ်လုပ်ပုံချင်း မတူညီကြပါဘူး -
၁။ ဓာတ်ဆီကားများ (ICE Cars) ရေဖြတ်မောင်းခြင်း 🚗💨
ဓာတ်ဆီကားတွေမှာ အင်ဂျင်လည်ပတ်ဖို့ လေရှူသွင်းရတဲ့ Intake System ရှိပါတယ်။ ရေကြီးတဲ့လမ်းကို အရှိန်နဲ့ဖြတ်မောင်းတဲ့အခါ ရေတွေက အင်ဂျင်ထဲကို ဝင်ရောက်သွားရင် (Hydrolocking) ဖြစ်ပြီး အင်ဂျင်တစ်လုံးလုံး လုံးဝ ပျက်စီးသွားတတ်ပါတယ်။ ဒါ့အပြင် အိတ်ဇောပိုက်ထဲကို ရေဝင်ရင်လည်း စက်သေသွားတတ်ပါတယ်။ ဒါပေမဲ့ လျှပ်စစ်ပိုင်းဆိုင်ရာ ထိခိုက်မှု အလွန်နည်းပါတယ်။
၂။ လျှပ်စစ်ကားများ (Electric Vehicles - EVs) ရေဖြတ်မောင်းခြင်း ⚡🔋
EV တွေမှာတော့ အင်ဂျင်မပါဘဲ ဘက်ထရီနဲ့ မော်တာတွေနဲ့ မောင်းနှင်တာဖြစ်ပါတယ်။ အဓိက ဘက်ထရီနဲ့ လျှပ်စစ်ပစ္စည်းတွေကို ရေလုံစနစ် (IP67 သို့မဟုတ် ထို့ထက်မြင့်မားသော စံချိန်စံညွှန်း) နဲ့ အထူးကာကွယ် တည်ဆောက်ထားတာကြောင့် ရေထဲမှာ စက်သေသွားဖို့ ပိုခက်ခဲပါတယ်။ သို့သော်လည်း ရေအလွန်အမင်း နက်လွန်းရင် High-voltage စနစ်တွေ ထိခိုက်နိုင်ပြီး ဘရိတ်စွမ်းအား ကျဆင်းတာတွေ ဖြစ်တတ်ပါတယ်။
၃။ ဘယ်ကားက ပိုပြီး လုံခြုံစိတ်ချရလဲ? 🛑🛡️
ကားဘယ်လောက်ပဲ ရေလုံစနစ်ကောင်းတယ်ဆိုပါစေ ရေအနက်က ကားဘီးရဲ့ တစ်ဝက်ကျော် လာပြီဆိုရင် မည်သည့်ကားကိုမဆို ဖြတ်မောင်းဖို့ လုံးဝ မသင့်တော်ပါဘူး။ ရေလွှမ်းမိုးချိန်မှာ ကားတာယာဟာ ရေပေါ်ပေါ်နေသလို ဖြစ်သွားပြီး ထိန်းချုပ်လို့မရတော့ဘဲ (Hydroplaning) အန္တရာယ် ဖြစ်စေနိုင်ပါတယ်။
ဒါကြောင့် မိတ်ဆွေတို့အနေနဲ့ ရေကြီးနေတဲ့လမ်းတွေကို ဖြတ်မောင်းတော့မယ်ဆိုရင် သတိကြီးကြီးနဲ့ ဆင်ခြင်မောင်းနှင်ကြဖို့ အကြံပြုချင်ပါတယ်ဗျာ 😉 👇
(CarsDB Team မှ ရေးသား ဖော်ပြသည်။)
Credit: CarsDB.com
