မိသားစုနဲ့အတူ ခရီးဝေးတွေထွက်တဲ့အခါ ခရီးသည်တွေအားလုံး ခြေဆန့်လက်ဆန့်နဲ့ အေးအေးလူလူ လိုက်ပါနိုင်ဖို့အတွက် ကိုယ်ထည်ပိုင်းရော အတွင်းခန်းပါ အင်မတန်မှ ကျယ်ဝန်းသက်သာတဲ့ ဂျပန်အိမ်စီး Crossover ကား (၅) စီးကို စုစည်းတင်ပြပေးလိုက်ပါတယ်ဗျာ
၁။ Toyota RAV4 (Hybrid)
ကမ္ဘာတစ်ဝန်းမှာ ရေပန်းစားဆုံး မိသားစုသုံး Crossover တစ်စီးဖြစ်ပြီး၊ ခေါင်းခန်းနဲ့ ခြေထောက်နေရာလွတ်တွေ အလွန့်အလွန် ကျယ်ဝန်းတာကြောင့် လူကြီးလူငယ်မရွေး အေးအေးလူလူ စီးနင်းနိုင်သလို နောက်ဖုံး Luggage Space ကလည်း ပစ္စည်းတွေအများကြီး ဆံ့ဝင်ပါတယ်။
၂။ Honda CR-V
မိသားစုကားဈေးကွက်မှာ နေရာခိုင်မာပြီးသားဖြစ်တဲ့ CR-V ကတော့ အတွင်းခန်း ကျယ်ဝန်းမှုအတွက် နာမည်ကြီးပါတယ်။
ထိုင်ခုံတန်းနှစ်တန်းအပြင် လိုအပ်သလို အသုံးပြုနိုင်တဲ့ နေရာလွတ်ကျယ်ကျယ်နဲ့ ဆီစားလည်း သက်သာတာကြောင့် ခရီးဝေးအတွက် အထူးသင့်လျော်ပါတယ်။
၃။ Mazda CX-5
ဇိမ်ခံဆန်ဆန် ဒီဇိုင်းနဲ့အတူ ခရီးသည်တွေအတွက် မျက်နှာချင်းဆိုင် သက်တောင့်သက်သာ ရှိစေမည့် ယာဉ်အတွင်းခန်း အပြင်အဆင်ကို ပိုင်ဆိုင်ထားပါတယ်။
ထိုင်ခုံတွေက ခန္ဓာကိုယ်ကို ထောက်ပံ့ပေးနိုင်စွမ်းကောင်းလို့ နယ်ဝေးခရီးတွေမှာ ကျောညောင်းတာမျိုး လုံးဝမဖြစ်စေပါဘူး။
၄။ Subaru Forester
ခိုင်ခံ့တဲ့ ကိုယ်ထည်တည်ဆောက်ပုံနဲ့အတူ အတွင်းခန်း နေရာလွတ် အလွန်ကျယ်ဝန်းတဲ့ ဂျပန် Crossover တစ်စီး ဖြစ်ပါတယ်။
ကားအမိုးပိုင်းအထိ မြင့်မားကျယ်ဝန်းတာကြောင့် ကားပေါ်မှာ ထိုင်နေစဉ် လွတ်လပ်ပေါ့ပါးတဲ့ ခံစားချက်ကို အပြည့်အဝ ပေးစွမ်းနိုင်ပါတယ်။
၅။ Nissan X-Trail
မိသားစုလိုက် အများနဲ့ချီပြီး သွားလာဖို့အတွက် ထိုင်ခုံတန်း (၃) တန်းအထိ ရွေးချယ်စီးနင်းနိုင်တဲ့ နေရာကျယ် Crossover ကားကောင်းတစ်စီး ဖြစ်ပါတယ်။
လိုအပ်သလို ခေါက်သိမ်းနိုင်တဲ့ ထိုင်ခုံစနစ်တွေပါဝင်လို့ မိသားစုသုံးအတွက် လုံးဝကို အဆင်ပြေစေပါတယ်။
(CarsDB Team မှ ရေးသား ဖော်ပြသည်။)
Credit: CarsDB.com
