FAW နှင့် Volkswagen တို့ ဖက်စပ်ထုတ်လုပ်သော Jetta M6 EV ဆီဒင်ကို အောက်တိုဘာ ၂၂ ရက်က စတင်မိတ်ဆက်ရောင်းချခဲ့ရာ စံချိန်တင်ရောင်းချခဲ့ရပြီး ၁၉ နာရီအတွင်း အစင်းရေ ၁၀,၀၀၀ ကျော် ရောင်းချခဲ့ရကြောင်း သိရသည်။
ဤနေရာတွင် Jetta နှင့် VW ၏ ဆီဒင်တို့ ဆက်နွှယ်မှုမရှိကြောင်း သတိချပ်ရန်လိုသည်။
Jetta မှာ တရုတ်ပြည်ဈေးကွက်အတွက် သီးသန့်ထုတ်လုပ်ထားသည့် တန်ဖိုးနည်း brand တစ်ခုဖြစ်ပြီး ယခု မိတ်ဆက်လာသော M6 မှာ အနိမ့်ဆုံး ယွမ် ၇၉,၈၀၀ (ဒေါ်လာ ၁၁,၉၀၀ ခန့်) မျှသာ ပေးရသည်။
ထိုဖက်စပ်ကုမ္ပဏီ၏ ထုတ်ပြန်ချက်အရ စတင်မိတ်ဆက်ပြီး ၁၉ နာရီအတွင်း အပိတ်အော်ဒါ (Locked Orders - ကြိုတင်ငွေပေးချေမှု (Deposit) ပြုလုပ်ပြီးပါက ပြန်လည်ပယ်ဖျက်၍မရ)(Locked Orders) အစင်းရေ ရရှိခဲ့ခြင်းဖြစ်ကြောင်း သိရသည်။
Deposit သွင်းငွေမှာ ပုံမှန်အားဖြင့် ယွမ် ၃,၀၀၀ မှ ၅,၀၀၀ ကြား (ဒေါ်လာ ၄၅၀ မှ ၆၅၀ ခန့်) သွင်းရသည်။
FAW-Volkswagen ဖက်စပ်ကုမ္ပဏီက M6 ၏ ADAS စနစ်အတွက်လည်း အာမခံပေးထားသည်။
ADAS ကြောင့် တနှစ်တာအတွင်း မတော်တဆမှုတစ်ခုခု ဖြစ်ပွားပါက လျော်ကြေးပေးမည်ဟု ကတိပြုထားသည်။
တန်ဖိုးသင့်ဈေးကွက်ကိုသာ ပစ်မှတ်ထားသော Jetta brand သည် ယခင်က ICE များသာ ထုတ်လုပ်ခဲ့ပြီး M6 မှာ Jetta ၏ ပထမဆုံး လျှပ်စစ်ကားမော်ဒယ်ဖြစ်သည်။
((ရွေးချယ်နိုင်မည့် Trim များ))
► Entry model = ရှေ့ယက် ၊ မော်တာ အထွက်အား 113 kW (152 hp)၊ 42.9 kWh LFP ဘက်ထရီ၊ အားတကြိမ်သွင်းထားလျှင် ၄၆၅ ကီလို မောင်းနိုင်ပြီးသည်။ အမြန်နှုန်း တင်နိုင်စွမ်းမှာ တစ်နာရီ ကီလို ၁၀၀ နှုန်းကို ၈ ဒသမ ၃ စက္ကန့်အတွင်း ရရှိနိုင်သည်။
►အမြင့်တန်း မော်ဒယ်လ်များ = အထွက်အား 145 kW (194 hp) ရှိ မော်တာနှင့် 51.9 kWh ဘက်ထရီသုံးထားပြီး အားတစ်ကြိမ်သွင်းထားလျှင် ၅၅၅ ကီလို မောင်းနိုင်သည်။ အမြန်နှုန်း တင်နိုင်စွမ်းမှာ 0-100 km/h ကို ၆ ဒသမ ၈ စက္ကန့်အတွင်း ရရှိနိုင်သည်။
ဘက်ထရီများမှာ CALB ကုမ္ပဏီထုတ်များဖြစ်ပြီး မော်ဒယ်လ်အားလုံး ရှေ့ယက် စနစ်သာ ဖြစ်သည်။
အရွယ်အစားမှာ 4,806/1,868/1,500 mm ရှိပြီး wheelbase မှာ 2,820 mm ဖြစ်သည်။
((နည်းပညာပိုင်း))
• အမြင့်တန်း မော်ဒယ်လ်များတွင် Horizon Robotics ရဲ့ Journey 6M chip နှင့် "GAIA 2.0 World Model" ADAS စနစ်တို့ သုံးထားပြီး မြို့တွင်းမြို့ပြင် နှစ်ရပ်လုံးတွင် အလိုအလျောက် မောင်းနှင်မှု (Navigate on Autopilot - NoA) ကို အသုံးပြုနိုင်သည်။
• နှစ်ယောက်အိပ် ကုတင်အဖြစ် ပြောင်းလဲနိုင်သည့် ရှေ့ခုံများ= ကားအားသွင်းနေချိန်တွင် ယာဉ်မောင်းများ နားနေ နေနိုင်ရန် ရည်ရွယ်သည်။ (တရုတ်ပြည်တွင် ယခုဈေးတန်းရှိ EV အများစုကို တက္ကစီ/အငှားယာဉ်များအဖြစ် အသုံးပြုကြသည်။)
(အစင်းရေ ၁၀၀၀၀ မြောက် အမှာစာ လက်ခံရရှိအပြီးတွင် Jetta က ကြေညာခဲ့ပုံ။ ဓာတ်ပုံ Jetta)
(CarsDB Team မှ ရေးသား ဖော်ပြသည်။)
Credit: CarsDB.com
Ref: Volkswagen's 11,900 USD Jetta M6 EV is a hit in China, gets 10,000 orders in 19 hours (carnewschina)
