လိုက်ပ်ဇစ်အသင်းကို ဂိုးပြတ်အနိုင်ရပြီး ရီးယဲလ်မက်ဒရစ်အသင်း ချန်ပီယံလိဂ်အဆင့်(၃)နေရာ၌ ဆက်လက်ရပ်တည်

ရီးယဲလ်မက်ဒရစ်အသင်းဟာ  ချန်ပီယံလိဂ်ပွဲစဉ်(၃)အဖြစ်  အောက်တိုဘာ ၂၂ ရက် နံနက်ပိုင်းက လိုက်ပ်ဇစ်အသင်းနဲ့ ယှဉ်ပြိုင်ကစားခဲ့ရာ ဂိုးပြတ်အနိုင်ရရှိခဲ့ပါတယ်။

အဲဒီပွဲစဉ်မှာ ရီးယဲလ်မက်ဒရစ်အသင်းက လိုက်ပ်ဇစ်အသင်းကို လေးဂိုး-တစ်ဂိုးဖြင့် အနိုင်ရရှိခဲ့တာဖြစ်ပြီး   ရီးယဲလ် မက်ဒရစ်အသင်းအတွက်   သွင်းဂိုးတွေကို    ဘာနာဒို ဆေးလ်ဗားက   တစ်ဂိုး၊  ဂူလာကတစ်ဂိုး၊ အမ်ဘတ်ပီကတစ်ဂိုး၊    ဒီအိုမန်ဒီက တစ်ဂိုးသွင်းယူပေးခဲ့ကာ လိုက်ပ်ဇစ်အသင်းအတွက် ချေပဂိုးတစ်ဂိုးကိုတော့  ဂိုမစ်က  သွင်းယူပေးခဲ့တာဖြစ်ပါတယ်။

ဘာနာဒိုဆေးလ်ဗားဟာ  ရီးယဲလ်မက်ဒရစ် အသင်းနဲ့အတူ ပထမဆုံးဂိုးသွင်းယူနိုင်ခဲ့တာဖြစ်ပြီး အမ်ဘတ်ပီကတော့ ယခုဘောလုံးရာသီ ပြိုင်ပွဲစုံ ၁၂ ပွဲမှာ သွင်းဂိုး ၁၂ ဂိုးအထိသွင်းယူနိုင်ခဲ့တာဖြစ်ပါတယ်။

ရီးယဲလ်မက်ဒရစ်အသင်းဟာ  လိုက်ပ်ဇစ်အသင်းကို အနိုင်ရရှိခဲ့တာကြောင့် ချန်ပီယံလိဂ် ပွဲစဉ်(၃)အပြီးမှာ  သုံးပွဲစလုံး    အနိုင်ရရှိခဲ့မှုနဲ့အတူ   အမှတ်ပေးဇယားအဆင့်(၃)နေရာမှာဆက်လက်ရပ်တည်နေတာဖြစ်ပါတယ်။

အခြားသောချန်ပီယံလိဂ်ပွဲစဉ်တွေမှာတော့ ကိုမိုအသင်းက မန်ယူအသင်းကို   လေးဂိုး-တစ်ဂိုး၊ ဂါလာတာစာရေးအသင်း က လိုင်လီအသင်းကို  လေးဂိုး-နှစ်ဂိုး၊ အင်တာမီလန်အသင်းက  ရှက်ခ်တာဒိုးနက်စ်ခ်အသင်းကို တစ်ဂိုး-ဂိုးမရှိဖြင့် အနိုင်ရရှိခဲ့ပြီး ဘိုင်ယန်မြူးနစ်အသင်းနဲ့  အာဆင်နယ်အသင်းတို့ ပွဲစဉ်မှာတော့ တစ်ဖက်နှစ်ဂိုးစီသရေရလဒ် ထွက်ပေါ်ခဲ့တာဖြစ်ပါတယ်။

ငွေကြယ်