ဂျပန်နှင့် အမေရိကန်တို့ လုံခြုံရေးဆိုင်ရာ ပူးပေါင်းဆောင်ရွက်မှုမြှင့်တင်ရန် သဘောတူ

ပါရီ နိုဝင်ဘာ ၁၀

 

ဂျပန်နိုင်ငံခြားရေးဝန်ကြီး မိုတဲဂိတိုရှီမစ်ဆုနှင့် အမေရိကန်နိုင်ငံခြားရေးဝန်ကြီး မာကိုရူဘီယိုတို့သည် နှစ်နိုင်ငံအကြား လုံခြုံရေးဆိုင်ရာ ပူးပေါင်းဆောင်ရွက်မှုကို ပိုမိုမြှင့်တင်ရန် သဘောတူညီခဲ့ကြ ကြောင်း သိရသည်။

 

မိုတဲဂိနှင့် ရူဘီယိုတို့သည် ပြင်သစ်နိုင်ငံပါရီမြို့၌ ကျင်းပသည့် ဂျီ-၇ နိုင်ငံခြားရေးဝန်ကြီးများ အစည်းအဝေးပြင်ပတွင် နိုဝင်ဘာ ၉ ရက်က သီးခြားတွေ့ဆုံဆွေးနွေးခဲ့ကြသည်။ ယင်းတွေ့ဆုံမှုသည် အမေရိကန်သက်တမ်းဝက် ရွေးကောက်ပွဲတွင် ရီပတ်ဘလစ်ကန်ပါတီ အကြီးအကျယ်ရှုံးနိမ့်ခဲ့ပြီးနောက် နှစ်နိုင်ငံနိုင်ငံ ခြားရေးဝန်ကြီးများအကြား ပထမဆုံးအကြိမ် တွေ့ဆုံမှုဖြစ်သည်။

 

လုံခြုံရေးအခြေအနေများ ပိုမိုရှုပ်ထွေး ပြင်းထန်လာချိန်တွင် ဂျပန်-အမေရိကန် မဟာမိတ်၏ ဟန့်တားနိုင်စွမ်းနှင့် တုံ့ပြန်နိုင်စွမ်းတို့ကို ပိုမိုအားကောင်းလာစေရန် နှစ်နိုင်ငံအကြား နီးကပ်စွာ ပူးပေါင်းဆောင်ရွက်မှုများမြှင့်တင်သွားရန် ဝန်ကြီးနှစ်ဦးသဘောတူခဲ့ကြသည်။ ထို့ပြင် အင်ဒို-ပစိဖိတ်ဒေသအပါအဝင် ဒေသတွင်းအခြေအနေများနှင့် နိုင်ငံတကာရေးရာကိစ္စရပ်များကိုလည်း ဆွေးနွေးခဲ့ကြသည်။

 

ဂျပန်-အမေရိကန် မဟာမိတ်ဆက်ဆံရေး၏အရေးပါမှုကို ခေါင်းဆောင်နှစ်ဦး ထပ်မံအတည်ပြုနိုင်ရန်အတွက် ဝန်ကြီးချုပ် တာကာအိချီဆာနာအဲနှင့် အမေရိကန်သမ္မတ ဒေါ်နယ်ထရမ့်တို့ အမြန်ဆုံးတွေ့ဆုံနိုင်ရေး ဂျပန်အစိုးရက ကြိုးပမ်းလျက်ရှိကြောင်း သိရသည်။

 

အင်န်အိတ်ချ်ကေ