မြိတ် နိုဝင်ဘာ ၁၃
တနင်္သာရီတိုင်းဒေသကြီး၊ ကျွန်းစုမြို့နယ် ကဏန်းကျွန်းအနီး တနင်္သာရီမြစ်အတွင်း၌ ယနေ့နံနက် ၈ နာရီခွဲက လှေတစ်စင်း မီးလောင်မှုဖြစ်ပွား၍ တစ်ဦးဒဏ်ရာ (မစိုးရိမ်ရ) ရရှိခဲ့ကြောင်း သိရသည်။
မီးလောင်မှုဖြစ်ပွားနေကြောင်း သတင်းရရှိသဖြင့် မြိတ်ခရိုင် မီးသတ်ဦးစီးမှူး ဦးဇော်ဝင်း၊ ဦးဆောင်၍ မီးငြှိမ်းသတ်ယာဉ် (၆)စီး၊ သန္ဓေမီးသတ်တပ်ဖွဲ့ဝင် (၂၀)ဦး၊ အရန်မီးသတ်တပ်ဖွဲ့ဝင် (၁၅) ဦး၊ စက်လှေ (၃)စီး၊ အပေါ့စားစက် (၃)လုံးတင်လျက် ထွက်ခွာငြှိမ်းသတ်ခဲ့ရာ နံနက် ၉ နာရီ ၇ မိနစ်ခန့်တွင် မီးထိန်းနိုင်ခဲ့ပြီး နံနက် ၉ နာရီ ၂၀ မိနစ်တွင် မီးငြိမ်းသွားခဲ့ကြောင်း သိရသည်။
အဆိုပါလှေမီးလောင်မှုကြောင့် ကိုဖြိုးမင်းဝေ (၃၀)နှစ် ကျွန်းစုမြို့နယ်နေသူတွင် နောက်ကျော၊ မျက်နှာ၊ ရင်ဘတ်၊ ၀ဲယာခြေထောက်တို့တွင် မီးလောင်၍အရေပြားလန်(မစိုးရိမ်ရ) ဒဏ်ရာများရရှိသဖြင့် မြိတ်မြို့ပြည်သူ့ဆေးရုံကြီးသို့ ပို့ဆောင်ဆေးကုသမှု ခံယူလျက်ရှိသည်။
မီးလောင်မှုဖြစ်စဥ်မှာ ဘက်ထရီရှော့ရိုက်၍ လှေစက်နှိုးရာ မီးပွားထွက်ပြီး လှေပေါ်တွင်ရှိနေသော ဆီငွေ့နှင့် ထိတွေ့ရာမှ မီးစတင်လောင်ကျွမ်းခြင်းဖြစ်ကြောင်း၊ လှေမောင်းခန်းမှတစ်ဆင့် စက်ခန်းသို့ ကူးစက်ရာမှ မီးလောင်ကျွမ်းခဲ့ခြင်းဖြစ်ကြောင်း သိရသည်။
မြင့်ဉီး(မြိတ်)
