Eleven Media Group

■ ဘာစီလိုနာကို ချစ်လို့ ဘိုင်ယန်မြူးနစ်ကို ငြင်းခဲ့ဖူးတယ်လို့ ပတ်ဒရီ ဖွင့်ဟ

Photo: Getty Images

ဘာစီလိုနာကွင်းလယ်ကစားသမား ပတ်ဒရီက သူ့အနေနဲ့ အသင်းကို ချစ်မြတ်နိုးလွန်းလို့ ဘိုင်ယန်မြူးနစ်အသင်းရဲ့ ကမ်းလှမ်းမှုကိုတောင် ငြင်းခဲ့ဖူးတယ်လို့ ဖွင့်ဟဝန်ခံခဲ့ပါတယ်။

UEFA Nations League ဆီမီးဖိုင်နယ်ပွဲစဉ်မတိုင်ခင် ပြုလုပ်ခဲ့တဲ့ ပွဲကြိုသတင်းစာရှင်းလင်းပွဲမှာ ပတ်ဒရီက ၂၀၂၀ နွေရာသီက ဘိုင်ယန်မြူးနစ်အသင်းရဲ့ ကမ်းလှမ်းမှုကို သူ့အနေနဲ့ ငြင်းဆန်ပယ်ချခဲ့တယ်လို့ ပြောကြားခဲ့တာ ဖြစ်ပါတယ်။

အသက် (၂၂) နှစ်အရွယ် စပိန်လက်ရွေးစင်ကွင်းလယ်ကစားသမား ပတ်ဒရီက ပြီးခဲ့တဲ့ရာသီက ကလပ်အသင်းအတွက်ရော နိုင်ငံအသင်းအတွက်ပါ ခြေစွမ်းပြခဲ့တာကြောင့် ၂၀၂၅ Ballon d'Or ဆန်ကာတင်စာရင်းမှာ ပါဝင်မယ်လို့ သုံးသပ်ခံနေသူ ဖြစ်ပါတယ်။

ပတ်ဒရီက "ဘိုင်ယန်မြူးနစ်အသင်းက ကျွန်တော့်ကို စိတ်ဝင်စားခဲ့တယ်ဆိုတာ အမှန်ပါ။ ဒါပေမဲ့ ဘာစီလိုနာအပေါ်ထားတဲ့ ကျွန်တော့်ရဲ့ အချစ်က မပြောင်းလဲပါဘူး။ ဘာစီလိုနာက ကျွန်တော့်ရဲ့ အိပ်မက်အသင်းဖြစ်လို့ ဘာစီလိုနာအသင်းကနေ ထွက်ခွာဖို့ဆိုတာ ကျွန်တော့်အတွက် အရမ်းခက်ခဲပါတယ်"လို့ ပြောကြားခဲ့တာပါ။

ပတ်ဒရီဟာ ပြီးခဲ့တဲ့ ၂၀၂၄-၂၅ ရာသီက လာလီဂါ၊ စပိန်ဘုရင့်ဖလားနဲ့ စပိန်စူပါးဖလားတို့ကို ရယူနိုင်ခဲ့တဲ့ ဘာစီလိုနာအသင်းမှာ အဓိက ကစားသမားအဖြစ် ခြေစွမ်းပြပြီး ပြိုင်ပွဲစုံမှာ (၆) ဂိုးသွင်းကာ ဂိုးဖန်တီးမှု (၉) ကြိမ် ပြုလုပ်နိုင်ခဲ့ပါတယ်။

ပြီးခဲ့တဲ့ရာသီက ပြသခဲ့တဲ့ခြေစွမ်းကြောင့် ၂၀၂၅ Ballon d'Or ဆန်ကာတင်စာရင်းမှာ ပါဝင်ခွင့်ရခဲ့မယ်ဆိုရင် သူ့အတွက် ဂုဏ်ယူစရာဖြစ်မယ်လို့လည်း ပတ်ဒရီက ပြောကြားခဲ့တာပါ။

မူရင်းသတင်း — Eleven Media Group