
မန်စီးတီးအသင်းဟာ လိုင်ယွန်အသင်းက ပြင်သစ်တိုက်စစ်ကစားသမား ချာကီကို သဘောတူညီမှု ရရှိခဲ့ပြီလို့ သိရပါတယ်။
မန်စီးတီးအသင်းက ချာကီအတွက် လိုင်ယွန်အသင်းကို ကနဦးပြောင်းရွှေ့ကြေး ယူရိုသန်း ၄၀ နဲ့ အပိုဆုကြေးတွေ ပေးချေမှာဖြစ်သလို၊ တခြားအသင်းဆီ ပြန်ရောင်းထုတ်ခဲ့ရင် အကျိုးအမြတ်ထပ်ပေးရမယ်လို့လည်း သိရပါတယ်။
မန်စီးတီးအသင်းက အသက် ၂၁ နှစ်သာရှိသေးတဲ့ ချာကီကို ၂၀၃၀ ခုနှစ်အထိ စာချုပ်ချုပ်ဆိုသွားမှာပါ။
မန်စီးတီးအသင်းမှာ ၆ နှစ်အတွင်း ပွဲချိန် ၁၀၈ မိနစ်သာ ကစားခွင့်ရခဲ့တဲ့ အင်္ဂလန်ဂိုးသမား စကော့ကာဆန်ကတော့ ဇွန်လကုန်ရင် လမ်းခွဲရတော့မှာပါ။
အသက် ၄၀ ပြည့်တော့မယ့် စကော့ကာဆန်ကို မန်စီးတီးအသင်းက သက်တမ်းမတိုးတော့ဖို့ ဆုံးဖြတ်ခဲ့တာပါ။
စကော့ကာဆန်ဟာ မန်စီးတီးမှာ နှစ်ပွဲသာ ကစားခွင့်ရခဲ့ပေမဲ့ ဆုဖလား ၁၁ လုံး ရယူနိုင်ခဲ့ပါတယ်။