Eleven Media Group

လက်ရှိစျေးကွက်တန်ဖိုးအမြင့်ဆုံးကစားသမားအဖြစ် ယမားလ် ရပ်တည်နေ

Photo: Barcelona

Transfermarkt က နောက်ဆုံးထုတ်ပြန်လိုက်တဲ့ စျေးကွက်တန်ဖိုး အမြင့်ဆုံး ကစားသမားစာရင်းမှာ ယမားလ်က ထိပ်ဆုံးနေရာ ရရှိခဲ့ပါတယ်။
လာမယ့် ဇူလိုင်မှာမှ အသက်(၁၈)နှစ်ပြည့်မယ့် စပိန်နဲ့ ဘာစီလိုနာအသင်းရဲ့ ဆယ်ကျော်သက်ကစားသမားကို Transfermarkt က စျေးကွက်တန်ဖိုး ယူရိုသန်း(၂၀၀) လို့ သတ်မှတ်ပေးခဲ့တာပါ။
ဒုတိယနေရာကိုတော့ ရီးယဲလ်ကွင်းလယ်ကစားသမား ဘယ်လင်ဂမ်၊ မန်စီးတီးတိုက်စစ်မှူး ဟာလန်းနဲ့ ရီးယဲလ်တိုက်စစ်မှူး ဘာပေတို့က ယူရိုသန်း(၁၈၀)စီနဲ့ ပူးတွဲသိမ်းပိုက်ခဲ့ပါတယ်။
စျေးကွက်တန်ဖိုးအမြင့်ဆုံး ကစားသမား(၁၀)ဦးစာရင်းမှာ လာလီဂါကစားသမား (၆)ဦးအထိ ပါဝင်ကာ အများဆုံးဖြစ်ခဲ့ပြီး ပရီးမီးယားလိဂ်နဲ့ ဘွန်ဒစ်လီဂါက (၂)ဦးစီ ပါဝင်ခဲ့ပါတယ်။
ဒီစာရင်းထဲ ပါဝင်နေတဲ့ လေဗာကူဆင်ကစားသမား ဖလော်ရီယန်ဗက်ဇ်ကတော့ လီဗာပူးလ်ကို ရောက်ဖို့ နီးစပ်နေပါပြီ။

မူရင်းသတင်း — Eleven Media Group