Eleven Media Group

■ UFC ဖလိုင်းဝိတ်တန်း အဆင့် (၁) ဘရန်ဒန်ရွိုင်ဗယ်နဲ့ ဂျိုရှူအာဗန် ထိုးသတ်မယ်

Photo- mmafighting& homeofight

ချင်းတိုင်းရင်းသား MMA ဖိုက်တာ ဂျိုရှုအာဗန်ဟာ UFC ဖလိုင်းဝိတ်တန်းရဲ့ လက်ရှိအဆင့် (၁) သတ်မှတ်ခံထားရတဲ့ အမေရိကန်ဖိုက်တာ ဘရန်ဒန်ရွိုင်ဗယ်နဲ့ ယှဉ်ပြိုင်ထိုးသတ်သွားမှာဖြစ်ပါတယ်။

ဒီသတင်းနဲ့ ပတ်သက်လို့ UFC ပရိုမိုးရှင်းဘက်က အတည်မပြုသေးပေမဲ့ ဂျိုရှုအာဗန်နဲ့ ဘရန်ဒန်ရွိုင်ဗယ်တို့နှစ်ဦးစလုံးကတော့ အတည်ပြုထားပြီးပါပြီ။

ချင်းတိုင်းရင်းသားဖိုက်တာ ဂျိုရှုအာဗန်ဟာ လာမယ့်ဇွန် (၂၈) ရက်၊ အမေရိကန်နိုင်ငံ၊ လပ်ဗေးဂတ်စ်မြို့က T Mobile Arena ရုံမှာ ကျင်းပမယ့် UFC -317 ပြိုင်ပွဲမှာ ဖလိုင်းဝိတ်တန်းအဖြစ် ဘရန်ဒန်ရွိုင်ဗယ်နဲ့ ယှဉ်ပြိုင်ထိုးသတ်ရမှာဖြစ်ပါတယ်။

မူလက UFC-317 ပြိုင်ပွဲမှာ လက်ရှိ UFC ဖလိုင်းဝိတ်တန်းရဲ့ အဆင့် (၁) ဘရန်ဒန်ရွိုင်ဗယ်နဲ့ ထိုးသတ်မယ့်သူက အဆင့် (၆) ရှိ ပေါ်တူဂီဖိုက်တာ မာနယ်ကိပ်ဖြစ်ပါတယ်။

ဒါပေမဲ့ ပေါ်တူဂီဖိုက်တာ မာနယ်ကိပ်က ဒဏ်ရာကြောင့် UFC-317 ပွဲကို မယှဉ်ပြိုင်နိုင်တော့တာကြောင့် ချင်းတိုင်းရင်းသားဖိုက်တာ ဂျိုရှုအာဗန်က အစားထိုးဝင်ရောက်ထိုးသတ်မှာဖြစ်ပါတယ်။

ဘရန်ဒန်ရွိုင်ဗယ်ဟာ လက်ရှိ အသက် (၃၁) နှစ်ရှိပြီး ပရော်ရှင်နယ် MMA ကစားသမားဘဝ (၂၄) ပွဲ ထိုးသတ်ထားရာမှာ (၁၇) ပွဲနိုင်၊ (၇) ပွဲ ရှုံးထားပါတယ်။ UFC မှာဆိုရင် ဘရန်ဒန်ရွိုင်ဗယ်ဟာ (၁၀) ပွဲထိုး၊ (၇) ပွဲနိုင်၊ (၃) ပွဲရှုံးထားတဲ့ လက်ရှိ UFC ဖလိုင်းဝိတ်တန်းရဲ့ အဆင့် (၁) သတ်မှတ်ခံထားရတဲ့ ဖိုက်တာဖြစ်ပါတယ်။

ဂျိုရှုအာဗန်က ပြီးခဲ့တဲ့ရက်ပိုင်းကမှ UFC-316 ပြိုင်ပွဲမှာ ဘရာဇီးလ်ဖိုက်တာ ဘရူနိုဒါဆေးလ်ဗားကို အလဲထိုးနဲ့ အနိုင်ရထားပြီး လက်ရှိ UFC ဖလိုင်းဝိတ်တန်းရဲ့ အဆင့် (၁၀) သတ်မှတ်ခံထားရသူဖြစ်ပါတယ်။

ဂျိုရှုအာဗန်က ပရော်ဖက်ရှင်နယ် MMA ကစားသမားဘဝ (၁၆) ပွဲထိုးသတ်ထားရာမှာ (၁၄) ပွဲနိုင်၊ (၂) ပွဲရှုံးထားပါတယ်။ UFC မှာဆိုရင်တော့ ဂျိုရှုအာဗန်က (၈) ပွဲထိုးသတ်ထားပြီး (၇) ပွဲနိုင်၊ (၁) ပွဲသာရှုံးနိမ့်ထားတဲ့ အသက် (၂၃) နှစ် လူငယ်ဖိုက်တာဖြစ်ပါတယ်။

ဂျိုရှုအာဗန်ဟာ UFC-317 ပြိုင်ပွဲမှာ ထိုးသတ်ခွင့်ရခဲ့တာကြောင့် ပြိုင်ပွဲနှစ်ပွဲဆက်တိုက် ထိုးသတ်ခွင့်ရတဲ့ UFC ရဲ့ ကြုံတော့ကြုံခဲ အခွင့်ထူးခံဖိုက်တာတစ်ဦး ဖြစ်ခွင့်ရရှိမှာဖြစ်ပါတယ်။

မူရင်းသတင်း — Eleven Media Group