
စပါးအသင်းဟာ ဘရန့်ဖို့ဒ်အသင်းတိုက်စစ်မှူး အမ်ဘူမိုကို ခေါ်ယူဖို့ စိတ်ဝင်စားနေတယ်လို့ BBC Sport က ဖော်ပြခဲ့ပါတယ်။
စပါးအသင်းက ဘရန့်ဖို့ဒ်အသင်းနည်းပြ သောမတ်စ်ဖရန့်ခ်ကို နည်းပြသစ်အဖြစ် ခန့်အပ်ပြီးနောက် အခုလို သတင်းတွေ ထွက်ပေါ်လာတာပါ။
ပြင်သစ်ဖွား ကင်မရွန်းလက်ရွေးစင် အမ်ဘူမို(၂၅ နှစ်)ဟာ ပြီးခဲ့တဲ့ရာသီ ပရီးမီးယားလိဂ်မှာ ဂိုး ၂၀ သွင်းယူပေးခဲ့ပါတယ်။
အခုလအစောပိုင်းမှာ မန်ယူနိုက်တက်အသင်းက ပေါင် ၄၅ သန်း+ add-ons ပေါင် ၁၀ သန်းနဲ့ ကမ်းလှမ်းခဲ့တယ်လို့ သိရပါတယ်။
ဒါပေမဲ့ ဘရန့်ဖို့ဒ်အသင်းက ပြောင်းရွှေ့ကြေးပိုအလိုရှိနေလို့ နှစ်ဖက် သဘောတူညီမှု မရခဲ့ပါဘူး။
စပါးအသင်းဟာ အမ်ဘူမိုကို တရားဝင်ကမ်းလှမ်းဖွယ်ရှိနေပြီး ချန်ပီယံလိဂ်ဝင်ခွင့်ရ တခြားကလပ်တချို့ကလည်း သူ့ကို စိတ်ဝင်စားနေကြပါတယ်။
အမ်ဘူမိုရဲ့စာချုပ်မှာ လျော်ကြေးမပါဝင်ဘဲ တစ်နှစ်သက်တမ်း ကျန်ရှိနေပြီး တစ်နှစ်သက်တမ်းတိုးခွင့်လည်း ထည့်သွင်းထားပါတယ်။
၎င်းဟာ ၂၀၁၉ ခုနှစ်မှာ လီဂူး-၂ကလပ် ထရွိုင်စ်အသင်းကနေ ရောက်လာပြီး ပြိုင်ပွဲစုံ ၂၄၂ ပွဲကစားကာ ဂိုး ၇၀ သွင်းခဲ့ပါတယ်။