မိုနာကိုအသင်းက ပြင်သစ်နာမည်ကြီးကွင်းလယ်လူ ပေါ့ဘာကို အသင်းကစားသမားသစ်အဖြစ် တရားဝင်မိတ်ဆက်ခဲ့ပါတယ်။
ပေါ့ဘာနဲ့ မိုနာကိုတို့ အပြောင်းအရွှေ့သတင်းတွေက ပြီးခဲ့တဲ့ရက်သတ္တပတ်အနည်းငယ်ကတည်းက ထွက်ပေါ်လာပြီး အခုမှာ တရားဝင်ကြေညာခဲ့တာပါ။
ပေါ့ဘာ(၃၂ နှစ်)ဟာ မိုနာကိုအသင်းနဲ့ နှစ်နှစ်သက်တမ်းရှိ စာချုပ်ချုပ်ဆိုခဲ့တာဖြစ်တယ်။
ပေါ့ဘာအနေနဲ့ တားမြစ်ဆေးသုံးစွဲလို့ လေးနှစ်ပိတ်ပင်ခံရပေမဲ့ ၁၈ လကို လျှော့ချပေးပြီးနောက် ပြီးခဲ့တဲ့မတ်လကတည်းက ဘောလုံးပြန်ကစားခွင့် ရနေတာပါ။
ပေါ့ဘာဟာ မိုနာကိုအသင်းမှာ တစ်နှစ် ယူရို ၂ သန်း ရရှိမှာဖြစ်ပါတယ်။
၎င်းအနေနဲ့ အသင်းသစ်မှာ ကျောနံပါတ် ၈ ဂျာစီ ဝတ်ဆင်ကစားမှာဖြစ်တယ်လို့ သိရပါတယ်။
