နော်တင်ဟမ်ဖောရက်စ်အသင်းဟာ ကွင်းလယ်လူ ဂစ်ဘ်ဝှိုက်ရဲ့အပြောင်းအရွှေ့နဲ့ပတ်သက်ပြီး စပါးအသင်းကို တရားစွဲဆိုဖို့ စဉ်းစားနေပါတယ်။
နော်တင်ဟမ်က စပါးအသင်းဟာ ဂစ်ဘ်ဝှိုက်ကို စာချုပ်လျော်ကြေး ပေါင် သန်း ၆၀ ပေးပြီး ခေါ်ယူတာဟာ စည်းမျဉ်းချိုးဖောက်တာပဲလို့ ယုံကြည်နေပါတယ်။
ဂစ်ဘ်ဝှိုက်ဟာ ပြီးခဲ့တဲ့သောကြာနေ့က စပါးအသင်းနဲ့ ဆေးစစ်မှု ခံယူခဲ့တယ်လို့လည်း ဗြိတိန်သတင်းတွေက ဖော်ပြခဲ့ပါတယ်။
စပါးအသင်းဟာ နော်တင်ဟမ်အသင်းရဲ့ ခွင့်ပြုချက်မပါဘဲ ဂစ်ဘ်ဝှိုက်နဲ့ ဆွေးနွေးခဲ့တယ်လို့ သိရပါတယ်။
ပရီးမီးယားလိဂ်စည်းမျဉ်းအရ စာချုပ်သက်တမ်းရှိနေတဲ့ ကစားသမားတစ်ဦးကို မိခင်ကလပ်ရဲ့ ခွင့်ပြုချက်မပါဘဲ အခြားအသင်းနဲ့ ဆွေးနွေးခွင့် မရှိပါဘူး။
စပါးအသင်းက ဒီအခြေအနေကို ဖြေရှင်းပြီး အပြောင်းအရွှေ့ကို အပြီးသတ်နိုင်ဖို့ မျှော်လင့်နေပါတယ်။
ဂစ်ဘ်ဝှိုက်ဟာ ၂၀၂၂ သြဂုတ်လက ဝုလ်ဗ်အသင်းကနေ ပြောင်းရွှေ့ကြေး ပေါင် ၄၂.၅ သန်းနဲ့ နော်တင်ဟမ်ကို ရောက်လာခဲ့တာပါ။
၎င်းဟာ နော်တင်ဟမ်အသင်းမှာ သုံးနှစ်ကြာရှိခဲ့ကာ ၁၁၈ ပွဲ ကစားခဲ့ပြီး ၁၈ ဂိုးသွင်းကာ ၂၈ ဂိုး ဖန်တီးခဲ့ပါတယ်။
