■ မာတီနက်ဇ်ကို ခေါ်ယူဖို့ အက်စတွန်ဗီလာအသင်းနဲ့ မန်ယူနိုက်တက် ဆွေးနွေးနေ

မန်ချက်စတာယူနိုက်တက်အသင်းဟာ အက်စတွန်ဗီလာဂိုးသမား မာတီနက်ဇ်ကို ခေါ်ယူဖို့ အက်စတွန်ဗီလာအသင်းနဲ့ ဆွေးနွေးနေတယ်လို့ သတင်းထွက်နေပါတယ်။

အသက် (၃၂) နှစ်အရွယ် အာဂျင်တီးနားလက်ရွေးစင်ဂိုးသမား မာတီနက်ဇ်ဟာ ပြီးခဲ့တဲ့နှစ်ပိုင်းအတွင်း ကလပ်အသင်းအတွက်ရော နိုင်ငံလက်ရွေးစင်အသင်းအတွက်ပါ လက်စွမ်းပြနိုင်ခဲ့တာပါ။

ဒါကြောင့် မန်ချက်စတာယူနိုက်တက်နည်းပြ အာမိုရင်မ်ဟာ အခုနွေမှာ မာတီနက်ဇ်ကို ဦးစားပေးပစ်မှတ်အဖြစ် ခေါ်ယူပေးဖို့ အသင်းတာဝန်ရှိသူတွေကို တောင်းဆိုထားတယ်လို့ သိရပါတယ်။

မန်ချက်စတာယူနိုက်တက်အသင်းအနေနဲ့ လက်ရှိမှာ အသင်းရဲ့ ပထမဂိုးသမားဖြစ်သူ အိုနာနာ လေ့ကျင့်ရေးကွင်းမှာ တံကောက်ကြောဒဏ်ရာရပြီး (၆) ပတ်ကနေ (၈) ပတ်အထိ အနားယူရဖို့ ရှိနေတာကြောင့် မာတီနက်ဇ်ကို ခေါ်ယူဖို့ အရှိန်မြှင့်ကြိုးပမ်းလာတာ ဖြစ်ပါတယ်။

ဗြိတိန်မီဒီယာတွေရဲ့ ဖော်ပြချက်အရ မန်ချက်စတာယူနိုက်တက်အသင်းဟာ မာတီနက်ဇ်ကို ခေါ်ယူဖို့အတွက် အက်စတွန်ဗီလာအသင်းနဲ့ ဆွေးနွေးနေပေမဲ့ သဘောတူညီမှုတော့ မရသေးဘူးလို့ သိရပါတယ်။

မာတီနက်ဇ်ကို ခေါ်ယူဖို့ မန်ချက်စတာယူနိုက်တက်အပြင် အက်သလက်တီကိုမက်ဒရစ်နဲ့ ဆော်ဒီကလပ်တွေကလည်း စိတ်ဝင်စားနေကြတယ်လို့ သိရပါတယ်။