အေစီမီလန်ကွင်းလယ်ကစားသမားသစ် မိုဒရစ်က သူ့အနေနဲ့ အသက် (၃၉) နှစ်ကျော်တဲ့အထိ ဘောလုံးဆက်ကစားနေခြင်းမှာ ဘောလုံးအပေါ် ချစ်မြတ်နိုးခြင်းကြောင့် ဖြစ်တယ်လို့ ဖွင့်ဟပြောကြားခဲ့ပါတယ်။
အသက် (၃၉) နှစ်ကျော်ပြီဖြစ်တဲ့ ခရိုအေးရှားဝါရင့်ကွင်းလယ်ကစားသမား မိုဒရစ်ဟာ အခုနွေမှာ ကာလရှည်ကစားခဲ့တဲ့ ရီးယဲလ်မက်ဒရစ်အသင်းနဲ့ လမ်းခွဲခဲ့ပြီး စီးရီးအေကလပ် အေစီမီလန်အသင်းကို ပြောင်းရွှေ့ကြေးအလွတ်နဲ့ ပြောင်းရွှေ့ခဲ့တာပါ။
မိုဒရစ်ဟာ အေစီမီလန်အသင်းနဲ့ တစ်နှစ်စာချုပ် ချုပ်ဆိုခဲ့ပြီး နောက်ထပ်တစ်နှစ်သက်တမ်းထပ်တိုးနိုင်မယ့် သဘောတူညီချက်လည်း ပါဝင်တယ်လို့ သိရပါတယ်။
မိုဒရစ်ဟာ သူ့အနေနဲ့ ဒီအသက်အရွယ်ထိ ဘောလုံးဆက်ကစားနေခြင်းမှာ ဘောလုံးအပေါ် ချစ်မြတ်နိုးမှုကြောင့် ဖြစ်တယ်လို့ ဖွင့်ဟပြောကြားခဲ့တာ ဖြစ်ပါတယ်။
"ကျွန်တော့်အတွက် အရေးကြီးဆုံးအရာ ချစ်မြတ်နိုးမှုပါပဲ။ ဘောလုံးနဲ့ ကစားပွဲအပေါ် ကျွန်တော့်ရဲ့ ချစ်မြတ်နိုးမှုကြောင့် ဒီအသက်အရွယ်အထိ ဆက်ကစားနေတာပါ။ အဲဒီချစ်မြတ်နိုးမှုက ကျွန်တော့်ကို အလုပ်ကြိုးစားအောင်၊ အကောင်းဆုံးပြင်ဆင်နိုင်အောင် တွန်းအားပေးနေတာပါ။ ကျွန်တော့်အနေနဲ့ ဒီအသက်အရွယ်အထိ ဘောလုံးကစားနိုင်တာ ဘောလုံးအပေါ် ချစ်မြတ်နိုးမှုကြောင့်ပဲ ဖြစ်ပါတယ်"လို့ မိုဒရစ်က ပြောကြားခဲ့တာပါ။
မိုဒရစ်ဟာ အေစီမီလန်အသင်းမှာ ကျောနံပါတ် (၁၄) ကို ဝတ်ဆင်သွားမှာဖြစ်ပြီး အသင်းနဲ့အတူ အောင်မြင်မှုတွေ ရယူနိုင်ဖို့ မျှော်လင့်ကြောင်းလည်း ပြောကြားခဲ့ပါတယ်။
