ဝုလ်ဗ်အသင်းက ကားမတော်မဆမှုကြောင့် ကွယ်လွန်သွားခဲ့တဲ့ ကစားသမားဟောင်း ဂျိုတာကို အသင်းရဲ့ Hall of Fame ထဲ ထည့်သွင်းလိုက်ကြောင်း ကြေညာခဲ့ပါတယ်။
ဒီယိုဂိုဂျိုတာဟာ ဝုလ်ဗ်အသင်းမှာ အငှားကစားသမားဘဝ အပါအဝင် (၃)ရာသီကစားခဲ့သူဖြစ်ပြီး ဝုလ်ဗ်အသင်း ပရီးမီးယားလိဂ်တန်းတက်ခွင့်ရခဲ့ရာမှာ အဓိကနေရာက ခြေစွမ်းပြခဲ့သူတစ်ဦးလည်းဖြစ်ပါတယ်။
ဝုလ်ဗ်အသင်းက ဂျိုတာကို လီဗာပူးလ်အသင်းထံ ရောင်းထုတ်ခဲ့ခြင်းကလည်း အကျိုးအမြတ်များစွာ ရရှိခဲ့ပါတယ်။
ဂျိုတာဟာ ဇူလိုင် (၃)ရက်မှာ ကားမတော်တဆမှုဖြစ်ပြီး ညီဖြစ်သူ အန်ဒရေဆေးလ်ဗားနဲ့အတူ စပိန်နိုင်ငံမှာ ကွယ်လွန်သွားခဲ့တာပါ။
ဝုလ်ဗ်အသင်းက ဂျိုတာရဲ့ အသင်းအတွက် ကူညီပေးခဲ့တဲ့ ကွင်းအတွင်းစွမ်းဆောင်ရည်နဲ့ ဘောလုံးကမ္ဘာကနေ ထူးထူးခြားခြားထွက်ခွာသွားခဲ့ရခြင်းအတွက် အခုလို ဂုဏ်ပြုရခြင်းဖြစ်ကြောင်း ကြေညာချက်မှာ ဖော်ပြခဲ့ပါတယ်။
ဝုလ်ဗ်အသင်းက ဆယ်လ်တာဗီဂိုနဲ့ ကစားမယ့် ခြေစမ်းပွဲနဲ့ မန်စီးတီးနဲ့ကစားမယ့် ပရီးမီးယားလိဂ်အဖွင့်ပွဲတွေကို ဂျိုတာနဲ့ အန်ဒရေဆေးလ်ဗားတို့ရဲ့ အမှတ်တရအဖြစ် ယှဉ်ပြိုင်သွားမယ်လို့လည်း သိရပါတယ်။
