မန်ယူအသင်းက အင်္ဂလန်တောင်ပံကစားသမား ဆန်ချိုကို ခေါ်ယူနိုင်ဖို့ နီးစပ်နေတဲ့ ဂျူဗင်တပ်စ်အသင်းဟာ မန်ယူအသင်းရဲ့ ဒိန်းမတ်တိုက်စစ်မှူး ဟွိုင်လန်းကိုလည်း စိတ်ဝင်စားနေကြောင်း သိရပါတယ်။
ဂျူဗင်တပ်စ်အသင်းဟာ မန်ယူအသင်းရဲ့ အင်္ဂလန်တိုက်စစ်ကစားသမား ရပ်ရှ်ဖို့ဒ်ကိုလည်း စုံစမ်းဆက်သွယ်မှုပြုလုပ်ခဲ့ပြီး ရပ်ရှ်ဖို့ဒ်က ဘာစီလိုနာကိုပြောင်းရွှေ့ဖို့သာ စိတ်အားထက်သန်နေတာကြောင့် နောက်ဆုတ်ခဲ့တာပါ။
ဒါပေမဲ့ အခု ဟွိုလန်းကို ခေါ်ယူဖို့ စုံစမ်းလာတာကြောင့် အီတလီမီဒီယာတွေကတော့ မန်ယူအသင်းရဲ့ တတိယမြောက်ကစားသမားကို ဂျူဗင်တပ်စ် ကြိုးပမ်းနေပြီလို့ ဖော်ပြခဲ့ကြပါတယ်။
ဟွိုင်လန်းက အီတလီမြေမှာ ခြေစွမ်းပြခဲ့ဖူးသူဖြစ်တာကြောင့် အင်တာမီလန်နဲ့ အေစီမီလန်တို့ကလည်း ခေါ်ယူဖို့ စိတ်ဝင်စားနေကြောင်း သတင်းထွက်နေပါတယ်။
မန်ယူအသင်းက တိုက်စစ်ပိုင်းကို အပြောင်းအလဲလုပ်ဖို့ စီစဉ်နေပြီး ဟွိုင်လန်းက နည်းပြ အာမိုရင်မ် အလိုမရှိတဲ့ ကစားသမားတစ်ဦး ဖြစ်နေတယ်လို့လည်း သိရပါတယ်။
