အင်တာမိုင်ယာမီအသင်းက အသင်းခေါင်းဆောင် မက်ဆီရဲ့ ကြွက်သားဒဏ်ရာဟာ အသေးစားသာဖြစ်တယ်လို့ အတည်ပြုခဲ့ပါတယ်။
မက်ဆီဟာ စနေနေ့က Necaxa အသင်းနဲ့ ယှဉ်ပြိုင်ကစားခဲ့တဲ့ Leagues Cup ပွဲစဉ်မှာ ညာဘက်ခြေထောက် ကြွက်သားဒဏ်ရာရရှိခဲ့တာဖြစ်ပြီး စိုးရိမ်စရာမရှိတဲ့ အသေးစားဒဏ်ရာသာဖြစ်ကြောင်း အင်တာမိုင်ယာမီအသင်းက ထုတ်ပြန်ခဲ့တာပါ။
ဒါပေမဲ့ ပြန်ကစားနိုင်မယ့်ရက်ကိုတော့ မသိရှိရသေးကြောင်းနဲ့ သက်သာပျောက်ကင်းမှု အနှေးအမြန်အပေါ် မူတည်တယ်လို့ ဆိုပါတယ်။
မက်ဆီဟာ ၂၀၂၅ ခုနှစ်အတွင်းမှာ အင်တာမိုင်ယာမီအသင်းအတွက် ပွဲချိန်များစွာ ကစားခဲ့ရပြီး ပြီးခဲ့တဲ့ ကလပ်ကမ္ဘာ့ဖလားပြိုင်ပွဲမှာလည်း (၄)ပွဲစလုံး ပွဲချိန်ပြည့်ကစားခဲ့ရပါတယ်။
ဒါကြောင့် ဒဏ်ရာပြဿနာနဲ့ ရင်ဆိုင်ရနိုင်ခြေပိုများကြောင်း ထောက်ပြမှုတွေလည်း ရှိနေပါတယ်။
အခုရရှိတဲ့ဒဏ်ရာဟာ နောက်ဆုံး(၂)နှစ်အတွင်း (၇)ကြိမ်မြောက်ရရှိတဲ့ဒဏ်ရာဖြစ်ကြောင်းလည်း သိရပါတယ်။
