ဘရိုက်တန်အသင်းက မန်ချက်စတာမြို့ခံအသင်းနှစ်သင်း ခေါ်ယူဖို့ စိတ်ဝင်စားနေတဲ့ ကင်မရွန်းကွင်းလယ်ကစားသမား ဘယ်လီဘာအတွက် ပြောင်းရွှေ့ကြေးကို ယူရိုသန်း(၁၂၀)လို့ သတ်မှတ်ထားကြောင်း သိရပါတယ်။
ဘယ်လီဘာ(၂၁ နှစ်)ဟာ ၂၀၂၃ နွေရာသီမှာ လိုင်လီကနေ ဘရိုက်တန်အသင်းကို ပြောင်းရွှေ့ကြေး ယူရို(၂၇)သန်း+ Add-ons ကြေး ယူရို(၃)သန်းနဲ့ ရောက်ရှိခဲ့သူပါ။
ဘယ်လီဘာဟာ လက်ရှိအချိန်မှာ ဘရိုက်တန်အသင်းရဲ့ အမာခံကစားသမားတစ်ဦးအဖြစ် ခြေစွမ်းပြနေတာကြောင့် မန်ချက်စတာနှစ်သင်းက ခေါ်ယူဖို့ စိတ်ဝင်စားနေတာဖြစ်ပြီး ဒီရက်ပိုင်းအတွင်းမှာတော့ မန်ယူအသင်း ကမ်းလှမ်းဖို့ စီစဉ်နေကြောင်း သတင်းထွက်နေပါတယ်။
ဒါပေမဲ့ ၂၀၂၈ ခုနှစ်အထိ စာချုပ်ချုပ်ဆိုထားတဲ့ ဘယ်လီဘာကို ဒီနွေရာသီမှာ ဘယ်အသင်းကပဲ ကမ်းလှမ်းသည်ဖြစ်စေ ဘရိုက်တန်အသင်းက ယူရိုသန်း(၁၂၀)တောင်းဆိုသွားဖို့ စီစဉ်ထားကြောင်း သိရပါတယ်။
ဘရိုက်တန်အသင်းရဲ့ ဥက္ကဋ္ဌ ပေါလ်ဘာဘာကတော့ လက်ရှိအချိန်အထိ မန်ယူအသင်းက မဆက်သွယ်သေးကြောင်းနဲ့ ဘယ်လီဘာကို အသင်းမှာ နှစ်များစွာ ဆက်ရှိစေလိုကြောင်း ပြောကြားခဲ့ပါတယ်။
