၂၀၂၅ ကမ္ဘာ့ပြေးခုန်ပစ်ချန်ပီယံရှစ်ပြိုင်ပွဲမှာ ဆွီဒင်တုတ်ထောက်ခုန်သမား ဒူပလန်တစ်က ကမ္ဘာ့စံချိန်သစ် ထပ်မံတင်ရှိနိုင်ခဲ့တယ်လို့ သိရပါတယ်။
ဒူပလန်တစ်အနေနဲ့ တုတ်ထောက်ခုန်အားကစားနည်းမှာ ၁၄ ကြိမ်မြောက် ကမ္ဘာ့စံချိန်သစ် တင်ရှိနိုင်ခဲ့ပါတယ်။
ဒါ့အပြင် ကမ္ဘာ့ချန်ပီယံရှစ်ပြိုင်ပွဲမှာလည်း သုံးကြိမ်ဆက်တိုက် အနိုင်ရဗိုလ်စွဲခဲ့ပါတယ်။
ဂျပန်နိုင်ငံ၊ တိုကျိုမြို့မှာ ကျင်းပနေတဲ့ ကမ္ဘာ့ချန်ပီယံရှစ်ပြိုင်ပွဲမှာ ဒူပလန်တစ်က ၆.၃၀ မီတာခုန်ပြီး စံချိန်သစ်တင်နိုင်ခဲ့ပါတယ်။
ဒူပလန်တစ်(၂၅ နှစ်)ဟာ indoorနဲ့ outdoor ကမ္ဘာ့ပြိုင်ပွဲတွေမှာ ရှစ်ကြိမ်မြောက်ရွှေဆုကို ရယူနိုင်ခဲ့တာပါ။
၎င်းအနေနဲ့ အခုနှစ်အတွင်းမှာပဲ တုတ်ထောက်ခုန် ကမ္ဘာ့စံချိန်ကို လေးကြိမ်မြောက် တင်ရှိနိုင်ခဲ့တာဖြစ်တယ်။
ဒူပလန်တစ်အဖို့ ကမ္ဘာ့စံချိန်သစ်တင်လို့ ဆုကြေး ဒေါ်လာ တစ်သိန်း၊ ရွှေတံဆိပ်ဆုအတွက် ဒေါ်လာ ခုနစ်သောင်း ဆွတ်ခူးရရှိခဲ့ပါတယ်။
Photos: Instagram
