လီဗာပူးလ်အသင်းရဲ့နည်းပြ အာနယ်ဆလော့က ဆောက်သမ်တန်အသင်းနဲ့ ယှဉ်ပြိုင်ရမယ့် လိဂ်ဖလားပွဲမှာ အဓိကကစားသမား(၅)ဦးကို အနားပေးမယ်လို့ အတည်ပြုပြောကြားခဲ့ပါတယ်။
လီဗာပူးလ်အသင်းဟာ လိဂ်ဖလားတတိယအဆင့်ပွဲစဉ်အဖြစ် လိဂ်ချန်ပီယံရှစ်ကလပ် ဆောက်သမ်တန်အသင်းနဲ့ မနက်ဖြန်ညမှာ အိမ်ကွင်းပွဲစဉ် ယှဉ်ပြိုင်ရမှာပါ။
လီဗာပူးလ်အသင်းဟာ ဒီရာသီမှာ ပရီးမီးယားလိဂ် ပွဲစဉ်(၅)ပွဲစလုံး အနိုင်ရရှိထားသလို၊ ချန်ပီယံလိဂ်မှာလည်း အနိုင်ရရှိထားတာကြောင့် ပွဲတိုင်းရာနှုန်းပြည့်အနိုင်ရထားတဲ့အသင်းဖြစ်ပါတယ်။
အာနယ်ဆလော့က လိဂ်ဖလားပွဲဟာ ကစားသမားတွေကို အလှည့်ကျအသုံးပြုရမယ့် အချိန်ဖြစ်ပြီး ဗန်ဒိုက်၊ ကိုနာတေး၊ ဆာလာ၊ ဂရာဗန်ဘတ်ချ်နဲ့ ဆိုဘိုဆလိုင်းတို့ကို ဆောက်သမ်တန်နဲ့ပွဲမှာ အနားပေးမယ်လို့ ပြောကြားခဲ့ပါတယ်။
လီဗာပူးလ်အသင်းဟာ ဒီရာသီ ပြည်တွင်းပြိုင်ပွဲသုံးခုစလုံးမှာ ဗိုလ်စွဲဖို့ ရေပန်းအစားဆုံးအသင်း ဖြစ်ပါတယ်။
