အာဆင်နယ်အသင်းရဲ့နည်းပြ အာတေတာက အင်္ဂလန်ကွင်းလယ်ကစားသမား ဒက်ကလန်ရိုက်စ်မှာနောက်ကျောဒဏ်ရာရှိနေတယ်လို့ ပြောကြားခဲ့ပါတယ်။
ဒက်ကလန်ရိုက်စ်ဟာ အသင်းဟောင်း ဝက်စ်ဟမ်းနဲ့ ဆုံတွေ့ခဲ့တဲ့ပွဲမှာ အာဆင်နယ်အသင်းအတွက် ဦးဆောင်ဂိုးသွင်းယူနိုင်ခဲ့ပေမဲ့ နောက်ကျောမှာ နာကျင်မှုခံစားခဲ့ရတာကြောင့် ပွဲချိန်(၇၉)မိနစ်မှာ လူစားလဲပေးဖို့ တောင်းဆိုခဲ့ကြောင်း သိရပါတယ်။
''ဒက်ကလန်က နောက်ကျောမှာ နာကျင်နေတာကြောင့် လူစားလဲဖို့ တောင်းဆိုခဲ့ပါတယ်။ သူ ဆက်မကစားနိုင်လို့ တောင်းဆိုခဲ့တာဖြစ်ပြီး အခြေအနေကို စောင့်ကြည့်ရမှာပါ'' လို့ အာတေတာက ပြောကြားခဲ့ပါတယ်။
ဒက်ကလန်ရိုက်စ်ဟာ ဒီရာသီမှာ အာဆင်နယ်အသင်းအတွက် ပွဲတိုင်းကစားပေးထားပေမဲ့ လာမယ့် အင်္ဂလန်လက်ရွေးစင်အသင်းရဲ့ပွဲတွေမှာတော့ ပါဝင်ကစားနိုင်ဖို့ မသေချာသေးဘူးလို့ သိရပါတယ်။
အင်္ဂလန်အသင်းဟာ အောက်တိုဘာလ နိုင်ငံတကာရက်သတ္တပတ်မှာ ဝေးလ်စ်နဲ့ ခြေစမ်းပွဲ၊ လတ်ဗီးယားနဲ့ ၂၀၂၆ ကမ္ဘာ့ဖလားခြေစစ်ပွဲ ယှဉ်ပြိုင်ကစားရမှာဖြစ်ပါတယ်။
