၂၀၂၅ ယူ-၂၀ ကမ္ဘာ့ဖလားပြိုင်ပွဲရဲ့ ဆီမီးဖိုင်နယ်အဆင့်ကို အာဂျင်တီးနား၊ ပြင်သစ်၊ ကိုလံဘီယာနဲ့ မော်ရိုကိုတို့ တက်ရောက်ခဲ့ကြောင်း သိရပါတယ်။
ဒီပြိုင်ပွဲကို ချီလီနိုင်ငံမှာ ကျင်းပနေတာဖြစ်ပြီး အောက်တိုဘာ(၁၁၊ ၁၂)က ယှဉ်ပြိုင်ခဲ့တဲ့ ကွာတားဖိုင်နယ်ပွဲစဉ်တွေမှာ ကိုလံဘီယာက စပိန်ကို (၃-၂)ဂိုး၊ အာဂျင်တီးနားက မက္ကဆီကိုကို (၂-၀)ဂိုး၊ မော်ရိုကိုက အမေရိကန်ကို (၃-၁)ဂိုး၊ ပြင်သစ်က နော်ဝေကို (၂-၁)ဂိုးနဲ့ အနိုင်ရပြီး ဆီမီးဖိုင်နယ်တက်ရောက်ခဲ့ကြတာပါ။
ဆီမီးဖိုင်နယ်အဆင့်မှာ မော်ရိုကိုနဲ့ ပြင်သစ်၊ အာဂျင်တီးနားနဲ့ ကိုလံဘီယာတို့ ရင်ဆိုင်ရမှာဖြစ်ပြီး အောက်တိုဘာ(၁၅)မှာ ယှဉ်ပြိုင်ရမှာဖြစ်ပါတယ်။
ဒီ(၄)သင်းထဲမှာ အာဂျင်တီးနားက ချန်ပီယံဆု(၆)ကြိမ်ရရှိထားတဲ့ ပြိုင်ပွဲရဲ့အအောင်မြင်ဆုံးအသင်းဖြစ်ပြီး ပြင်သစ်ကလည်း တစ်ကြိမ်ဗိုလ်စွဲထားပေမဲ့ ကိုလံဘီယာနဲ့ မော်ရိုကိုတို့ကတော့ အမြင့်ဆုံးဆီမီးဖိုင်နယ်အဆင့်ပဲ ရောက်ရှိဖူးပါတယ်။
ဆီမီးဖိုင်နယ်အဆင့်အထိ ရာနှုန်းပြည့်နိုင်ပွဲနဲ့ တက်လှမ်းလာခဲ့တဲ့ အာဂျင်တီးနားအသင်းက ဗိုလ်စွဲဖို့ ရေပန်းအစားဆုံးဖြစ်နေပြီး ဗိုလ်လုပွဲကို အောက်တိုဘာ(၁၉)မှာ ကျင်းပမှာပါ။
