ပရီးမီးယားလိဂ်ရဲ့ စံချိန်သစ်ဖြစ်မယ့် စပွန်ဆာစာချုပ် ချုပ်ဆိုဖို့ လီဗာပူးလ် စီစဉ်နေ

လီဗာပူးလ်အသင်းဟာ ပရီးမီးယားလိဂ်ရဲ့ စံချိန်သစ်ဖြစ်မယ့် အကျင်္ီစပွန်ဆာစာချုပ် ချုပ်ဆိုဖို့ စီစဉ်နေကြောင်း သိရပါတယ်။
လီဗာပူးလ်အသင်းဟာ လက်ရှိအချိန်မှာ ဘဏ်လုပ်ငန်းဖြစ်တဲ့ Standard Chartered နဲ့ ၂၀၂၇ ခုနှစ်အထိ စပွန်ဆာစာချုပ် ချုပ်ဆိုထားပြီး တစ်နှစ်ကို ပေါင်သန်း(၅၀)ရရှိနေပါတယ်။
လက်ရှိ ပရီးမီးယားလိဂ်မှာ အကျင်္ီစပွန်ဆာတန်ကြေးအမြင့်ဆုံးအဖြစ် ရပ်တည်နေတာက တစ်နှစ်ပေါင်သန်း(၆၀)ရရှိနေတဲ့ မန်စီးတီးနဲ့ မန်ယူတို့ဖြစ်ကြောင်း သိရပါတယ်။
လီဗာပူးလ်အသင်းက Standard Chartered နဲ့ပဲ ဆက်ပြီးလက်တွဲသွားမှာဖြစ်ပေမဲ့ စာချုပ်သစ်ရဲ့တန်ဖိုးကတော့ တစ်နှစ်ပေါင်သန်း(၇၀)နဲ့ ပရီးမီးယားလိဂ်ရဲ့ စံချိန်သစ်ဖြစ်လာမှာဖြစ်ကြောင်း The Sun က ဖော်ပြခဲ့ပါတယ်။
လီဗာပူးလ်အသင်းဟာ Standard Chartered နဲ့ ၂၀၁၀ ခုနှစ်ကတည်းက လက်တွဲခဲ့တာဖြစ်ပြီး အသင်းရဲ့သမိုင်းတစ်လျှောက် (၅)ခုမြောက် လက်တွဲဖူးတဲ့ အကျင်္ီစပွန်ဆာဖြစ်ကြောင်းလည်း သိရပါတယ်။
Carlsberg ကုမ္ပဏီကလည်း လီဗာပူးလ်နဲ့ ပြန်လည်လက်တွဲဖို့ ဆန္ဒရှိနေပေမဲ့ Standard Chartered နဲ့ သဘောတူညီမှုရရှိဖို့ နီးစပ်နေပြီဖြစ်ကြောင်း The Sun က ဖော်ပြခဲ့ပါတယ်။