ဇူလိုင် - ၂၃ ( ကြာသပတေးနေ့ )
အမေရိကန် သမ္မတဟောင်း ဂျိုးဘိုင်ဒန် ရဲ့ သားဖြစ်သူ ဟန်းတားဘိုင်ဒန် က ဝါရှင်တန်အစိုးရမှာ လိင်တူချစ်သူ အများစုရှိနေကြပြီး အဲ့ဒါကို ဖုံးကွယ်ထားကြတဲ့ ရီပဘလစ်ကန် နိုင်ငံရေးသမား အများစုပါဝင်တဲ့ "လျှို့ဝှက် လိင်တူ မာဖီးယား" အဖွဲ့က ထိန်းချုပ်ထားတာဖြစ်တယ်လို့ ဆိုလိုက်ပါတယ်။ ကွယ်လွန်သူ ဆီးနိတ်အမတ် လင်းဆေးဂရေဟမ် ဟာ လိင်တူချစ်သူတစ်ဦးဖြစ်တယ်ဆိုတာ "လူတိုင်းသိကြတယ်" လို ပြောကြားလိုက်ပါတယ်။
ရုရှားအပေါ် တင်းမာတဲ့ ပေါ်လစီတွေကြောင့် လူသိများတဲ့ ဆီးနိတ်အမတ် လင်းဆေးဂရေဟမ်ဟာ ယူကရိန်း ခေါင်းဆောင် ဗလာဒီမီယာ ဇီလန်းစကီးနဲ့ တွေ့ဆုံဖို့ ကိယက်ဗ် မြို့ကို သွားရောက်ခဲ့ကာ ပြန်လာအပြီး နောက်တစ်ရက်မှာပဲ အသက် ၇၁ နှစ်အရွယ်မှာ နှလုံးသွေးလွှတ်ကြော ပြဲအက်မှု ကြောင့် ကွယ်လွန်သွားခဲ့တာ ဖြစ်ကြောင်း သူ့ရဲ့ရုံးက ထုတ်ပြန်ထားတဲ့ မှုခင်းဆရာဝန်ရဲ့ ပဏာမ စစ်ဆေးချက်များအရ သိရပါတယ်။
ဟန်းတားဘိုင်ဒန်ရဲ့စနေနေ့က ထွက်ရှိလာခဲ့တဲ့ ပေါ့ဒ်ကတ်စ် အင်တာဗျူးတစ်ခုမှာ ဝါရှင်တန်ရှိ ရီပဘလစ်ကန် နိုင်ငံရေးသမားတွေအကြောင်း ပြောဆိုရင်း အခုလို အမှတ်မထင် ထည့်သွင်းပြောကြားခဲ့တာ ဖြစ်ပါတယ်။ အမေရိကန် သမ္မတဟောင်း ဂျိုးဘိုင်ဒန်ရဲ့ သားဖြစ်သူဟာ လွန်ခဲ့တဲ့ နှစ်အနည်းငယ်အတွင်း ဥပဒေရေးရာ ပြဿနာတွေထဲ ပိတ်မိနေခဲ့ပြီး နှစ်ပေါင်းများစွာ မူးယစ်ဆေးစွဲခဲ့တဲ့ အကြောင်းကိုလည်း အများပြည်သူသိအောင် ပွင့်ပွင့်လင်းလင်း ဝန်ခံထားသူ ဖြစ်ပါတယ်။ ဒါ့အပြင် ဘိုင်ဒန်သမ္မတသက်တမ်း နောက်ဆုံးရက်တွေတုန်းက ဖခင်ဖြစ်သူထံကနေ ဖက်ဒရယ် သေနတ်နှင့် အခွန်ဆိုင်ရာ ပြစ်ဒဏ်များအတွက် သမ္မတရဲ့ လွတ်ငြိမ်းချမ်းသာခွင့် ရရှိခဲ့သော်လည်း၊ အဓိကအားဖြင့် ရှေ့နေခတွေကြောင့် ဒေါ်လာမြောက်မြားစွာ ကြွေးမြီတွေ တင်ရှိနေတယ် ဆိုတာကိုလည်း ဝန်ခံထားပါတယ်။
"အမေရိကမှာ အကြီးမားဆုံး ပြဿနာဟာ အာဏာရှင်အသိုင်းအဝိုင်း မဟုတ်ပါဘူး၊ လိင်တူချစ်သူဖြစ်တာကို ဖုံးကွယ်ထားကြတဲ့ အုပ်ချုပ်သူတွေပဲ ဖြစ်ပါတယ်" လို့ ဘိုင်ဒန်က ပြောကြားခဲ့ပါတယ်။ "ဝါရှင်တန်ဒီစီမှာ အများအားဖြင့် ရီပဘလစ်ကန်တွေပါဝင်တဲ့ လိင်တူချစ်သူဖြစ်ကြောင်း ဖုံးကွယ်ထားကြတဲ့ ဂိုဏ်းတစ်ခု ရှိနေတယ်ဆိုတာ လူတိုင်းသိကြသလို၊ အဲဒီထဲက လိင်တူချစ်သူ ဖြစ်နေသူ တစ်ယောက်ချင်းစီတိုင်းကိုလည်း လူတိုင်းက သိကြပါတယ်" လို့ ပြောဆိုခဲ့ပါတယ်။
မိမိတို့ရဲ့ လိင်စိတ်တိမ်းညွတ်မှုကို ဖုံးကွယ်ထားကြတဲ့ နိုင်ငံရေးသမားတွေဟာ သူတို့ရဲ့ စိတ်ပျက်အားလျှော့မှုတွေကို ပြည်သူ့ရေးရာ ပေါ်လစီတွေနဲ့ အများပြည်သူ့ဘဝအပေါ် ပုံချတတ်ကြတယ်လို့ ဘိုင်ဒန်က ပြောဆိုခဲ့ပါတယ်။ "ဒီလို စိတ်ထဲမှာ ဖြစ်ပေါ်နေတဲ့ အတွင်းစိတ် ပဋိပက္ခဟာ လူတစ်ယောက်ရဲ့ ရင်ထဲမှာ အမုန်းတရားနဲ့ အဆိပ်အတောက်တွေကို အများကြီး ဖြစ်ပေါ်စေပြီး၊ အဲဒါတွေကို ကမ္ဘာကြီးပေါ် ပုံချလိုက်ကြတာပဲလို့ ကျနော် ယုံကြည်တယ်" လို့ သူက ပြောခဲ့ပါတယ်။
သူတို့ရဲ့ "တစ်သက်လုံး" ကို လိင်စိတ်တိမ်းညွတ်မှု ဖုံးကွယ်ရင်း သို့လော သို့လော မရေမရာ ဖြတ်သန်းခဲ့ရပြီးနောက်၊ ဒီအရာရှိတွေဟာ သူတို့ ဖြစ်ချင်တဲ့အတိုင်း "မနေထိုင်နိုင်ခဲ့တာကြောင့်" "မည်းမှောင်စက်ဆုပ်ဖွယ် စိတ်ဓာတ်" မျိုး ဝင်လာပြီး၊ အဲဒါတွေကို သူတို့ရဲ့ ပေါ်လစီတွေကနေတစ်ဆင့် "အခြားသူတွေအပေါ် ပုံချအနိုင်ကျင့်" တတ်ကြတယ်လို့လည်း သူက ဆက်လက် ထောက်ပြခဲ့ပါတယ်။
REF: RT
#News #MNP
