အင်တာမိုင်ယာမီတိုက်စစ်မှူး မက်ဆီဟာ စပိန်ဒုတိယတန်းကလပ် အယ်လ်ဒန်ဆီအသင်းကို ဝယ်ယူဖို့ မူအားဖြင့် သဘောတူညီမှုရရှိခဲ့ပြီဖြစ်ကြောင်း သိရပါတယ်။
အယ်လ်ဒန်ဆီက ဒီရာသီမှာ ဆီဂန်ဒါကို တစ်ကျော့ပြန် တန်းတက်လာတဲ့အသင်းဖြစ်ပြီး လက်ရှိအချိန်မှာ ကိုလံဘီယာရင်းနှီးမြှုပ်နှံမှုအဖွဲ့ Grupo TH က ပိုင်ဆိုင်ထားပါတယ်။
အယ်လ်ဒန်ဆီအသင်းက ၁၉၂၁ ခုနှစ်မှာ တည်ထောင်ပြီး အယ်လ်ဒါမြိ့မှာ အခြေစိုက်ထားတဲ့အသင်းပါ။
မီဒီယာတွေရဲ့ ဖော်ပြမှုအရ မက်ဆီဟာ အယ်လ်ဒန်ဆီအသင်းရဲ့ ရှယ်ယာတွေကို ဝယ်ယူဖို့ သဘောတူညီမှုရရှိထားပြီဖြစ်ပြီး စပိန်အမျိုးသားအားကစားကောင်စီ(CSD)ရဲ့ ခွင့်ပြုချက်ရရှိဖို့သာ လိုအပ်တော့ကြောင်း သိရပါတယ်။
ပြီးခဲ့တဲ့ ရက်သတ္တပတ်အတွင်းကမှ အာဂျင်တီးနားလက်ရွေးစင်ကစားသမားဘဝက အနားယူကြောင်း ကြေညာထားတဲ့ မက်ဆီဟာ စပိန်ပဥ္စမတန်းကလပ် ကော်နယ်လာအသင်းကိုလည်း ဒီနှစ်အစောပိုင်းမှာ ဝယ်ယူထားပါတယ်။
ဒါပေမဲ့ ကော်နယ်လာက ဆီမီးပရိုအဆင့်သာရှိပြီး အယ်လ်ဒန်ဆီက ပရော်ဖက်ရှင်နယ်အဆင့် ကလပ်အသင်းဖြစ်ပါတယ်။
အယ်လ်နာဆာတိုက်စစ်မှူး စီရော်နယ်လ်ဒိုကလည်း ဆီဂန်ဒါကလပ် အယ်လ်မယ်ရီယာအသင်းရဲ့ ရှယ်ယာ(၂၅)ရာခိုင်နှုန်းကို ပိုင်ဆိုင်ထားကြောင်း သိရပါတယ်။
