ပြင်သစ်တိုက်စစ်မှူး ဂျရူးက ရာသီကုန်မှာ ကစားသမားဘဝက အနားယူဖွယ်ရှိကြောင်း ထုတ်ဖော်ပြောကြားခဲ့ပါတယ်။
အာဆင်နယ်အသင်းရဲ့ တိုက်စစ်မှူးဟောင်းဖြစ်တဲ့ ဂျရူးဟာ အသက်(၄၀)ရှိပြီဖြစ်ပြီး လက်ရှိအသင်းကတော့ လိုင်လီ ဖြစ်ပါတယ်။
''ကစားသမားတစ်ယောက်အနေနဲ့ ဒီရာသီက ကျွန်တော့်ရဲ့နောက်ဆုံးရာသီဖြစ်လာဖို့ အရမ်းနီးစပ်နေပြီလို့ ထင်ပါတယ်။ ဒါကြောင့် အခိုက်အတန့်တိုင်းကို ပျော်ရွှင်အောင် ကျွန်တော် ကြိုးစားနေပါတယ်'' လို့ ဂျရူးက ပြောကြားခဲ့ပါတယ်။
ဂျရူးက ချယ်လ်ဆီးနဲ့ အေစီမီလန်အသင်းတွေမှာလည်း ကစားခဲ့သူဖြစ်ပြီး ချယ်လ်ဆီးနဲ့ ချန်ပီယံလိဂ်ဖလား၊ အေစီမီလန်နဲ့ စီးရီးအေချန်ပီယံဆုတွေ ရယူနိုင်ခဲ့သူပါ။
ဒါပေမဲ့ အာဆင်နယ်အသင်းမှာ ပြိုင်ပွဲစုံ (၂၅၃)ပွဲနဲ့ ပွဲအများဆုံးကစားခဲ့ပြီး ပြင်သစ်လက်ရွေးစင်အသင်းအတွက်တော့ (၁၃၇)ပွဲကစားပြီး (၅၇)ဂိုး သွင်းယူခဲ့ပါတယ်။
ပြီးခဲ့တဲ့နွေရာသီမှာ လိုင်လီအသင်းနဲ့ တစ်နှစ်သက်တမ်းတိုးခဲ့တာဖြစ်ပြီး သက်တမ်းကုန်ချိန်မှာ ကစားသမားဘဝက အနားယူဖို့ ရည်မှန်းထားခြင်းဖြစ်ကြောင်း သိရပါတယ်။
