ထိုင်း-အမေရိကန် နျူကလီးယားပူးပေါင်းဆောင်ရွက်မှု လက်တွေ့အကောင်အထည်ဖော်ရန် ပြင်ဆင်နေ

၂၀၂၆ ခုနှစ်၊ နိုဝင်ဘာလ ၁၄ ရက်

ထိုင်းနဲ့ အမေရိကန်တို့ဟာ Small Modular Reactor (SMR) နျူကလီးယားစွမ်းအင်ကဏ္ဍမှာ ပူးပေါင်းဆောင်ရွက်မှုကို လက်တွေ့အကောင်အထည်ဖော်ဖို့ ပြင်ဆင်နေကြပြီး အမေရိကန်က ငွေကြေးထောက်ပံ့မှု ဖြစ်နိုင်ခြေလေ့လာမှု၊ ဥပဒေ မူဘောင်နဲ့ ကျွမ်းကျင်လုပ်သားမွေးထုတ်ရေး အစီအစဉ်တွေ ရှိနေပြီလို့ နိုဝင်ဘာ ၉ ရက် ဘန်ကောက်ဆွေးနွေးပွဲမှာ ပြောကြားခဲ့ပါတယ်။

ထိုင်းရဲ့ လျှပ်စစ်စွမ်းအင်စီမံကိန်းမူကြမ်းမှာတော့ ၂၀၃၇ ခုနှစ်မှာ ပထမဆုံး SMR စတင်ဖို့နဲ့ ၂၀၅၀ ခုနှစ်မှာ နျူကလီးယားစွမ်းအင် ၉ , ၀၀၀ မဂ္ဂါဝပ် ရှိဖို့ ရည်မှန်းထားပါတယ်။

ထိုင်းနိုင်ငံ နျူကလီးယားနည်းပညာအင်စတီကျု ( TINT) က ဒေါက်တာဝါစင် ဗက်ချဂါမာက အကြီးမားဆုံး စိန်ခေါ်မှု ဟာ ကျွမ်းကျင်လုပ်သားရှားပါးမှု ဖြစ်ပြီး လိုအပ်တဲ့လူ့စွမ်းအား မွေးထုတ်ဖို့ ဆယ်နှစ်ခန့် ကြာနိုင်တယ်လို့ ပြောပါတယ်။ ထိုင်းအနေနဲ့ စည်းမျဉ်းကြီးကြပ်သူ ၅၀ ကျော်၊ ဆောက်လုပ်ရေးလုပ်သား ၂ , ၀၀၀ ခန့်နဲ့ အမြဲတမ်းစက်ရုံဝန်ထမ်း ၅၀၀ ခန့် လေ့ကျင့်ခန့်ထားဖို့ လိုအပ်မယ်လို့ ဆိုပါတယ်။

နျူကလီးယားစွမ်းအင်ဟာ ထိုင်းရဲ့ လျှပ်စစ်လိုအပ်ချက်နဲ့ Net-zero ရည်မှန်းချက်တွေ ပြည့်မီရေး အတွက် အရေးကြီး တယ်လို့ ပြောခဲ့ကြပြီး လာမယ့် ၁၂ လအတွင်း ကျွမ်းကျင် လုပ်သားလေ့ကျင့်ရေး၊ နိုင်ငံတကာပညာရှင်ဖလှယ်ရေးနဲ့ အမေရိကန်-ထိုင်း ပူးပေါင်းသင်တန်းတွေ ကို ဦးစားပေးလုပ်ဆောင်ဖို့ ဆွေးနွေးသူတွေက တိုက်တွန်းခဲ့ကြပါတယ်။

Ref – The Nation